Bayern បង្កើតកំណត់ត្រាថ្មីនៅ UCL ដោយមិនដែលចាញ់ក្នុងវគ្គចែកពូលរយៈពេល ៥ឆ្នាំ
- 2022-10-05 12:36:33
- ចំនួនមតិ 0 | ចំនួនចែករំលែក 0
Bayern បង្កើតកំណត់ត្រាថ្មីនៅ UCL ដោយមិនដែលចាញ់ក្នុងវគ្គចែកពូលរយៈពេល ៥ឆ្នាំ
ចន្លោះមិនឃើញ
ក្លឹបយក្សអាល្លឺម៉ង់ Bayern Munich បានបង្កើតកំណត់ត្រាថ្មីមួយនៅក្នុងក្របខ័ណ្ឌកំពូលអឺរ៉ុប UEFA Champions League ដោយក្លឹបមួយនេះ លេងមិនដែលចាញ់ក្នុងវគ្គចែកពូលអស់រយៈពេល ៥ឆ្នាំមកហើយ។
បន្ទាប់ពីយកឈ្នះក្លឹបឆេក Viktoria Plzen ក្នុងកីឡដ្ឋាន Allianz Arena កាលពីយប់ថ្ងៃអង្គារ ក្លឹបយក្សអាល្លឺម៉ង់មួយនេះបានក្លាយជាក្លឹបដំបូងគេក្នុង Champions League ដែលលេងមិនដែលចាញ់សោះចំនួន ៣១ប្រកួតជាប់ៗគ្នា។ ចំណោម ៣១ប្រកួតនេះ Bayern លេងស្មើតែ ៣ប្រកួតប៉ុណ្ណោះ ដោយ ២៨ប្រកួតទៀតឈ្នះទាំងអស់។
Bayern លេងចាញ់លើកចុងក្រោយបង្អស់គឺនៅឆ្នាំ២០១៧ ដោយនៅកាលនោះចាញ់ក្លឹបបារាំង Paris Saint-Germain ក្នុងលទ្ធផល ៣-០។
កាលពីមុន កំណត់ត្រាលេងមិនដែលចាញ់នៅក្នុងវគ្គចែកពូល UCL ត្រូវបានកាន់កាប់ដោយក្លឹប Real Madrid។ ក្លឹបអេស្ប៉ាញមួយនេះ លេងអត់ចាញ់សោះចំនួន ៣០ប្រកួត ចាប់ពីឆ្នាំ២០១២ ដល់ឆ្នាំ២០១៧៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
