មិនស្មានថា សមាជិក ៥នាក់របស់ LE SSERAFIM កាន់លិខិតឆ្លងដែន ខុសគ្នាទាំងអស់ ហើយនេះជាហេតុផលពីក្រោយ

2022-10-20 02:26:52
ចំនួនមតិ 0 | ចំនួនចែករំលែក 0

ចន្លោះមិនឃើញ

តារា K-Pop ត្រូវតែមាន លិខិតឆ្លងដែន ឬ Passport ជាចាំបាច់ ព្រោះការងាររបស់ពួកគេតម្រូវឲ្យថ្វើដំណើរទៅច្រើនប្រទេស ដើម្បីទៅជួបអ្នកគាំទ្រគ្រប់ទិសទីជុំវិញពិភពលោក ក៏ដូចជាចូលរួមព្រឹត្តិការណ៍អន្តរជាតិផ្សេងទៀត។ ដោយសារតែតារាទាំងនោះ ត្រូវបានគេប្រទះឃើញជាញឹកញាប់ នៅព្រលានយន្តហោះ ហើយក៏មានរូបថតជាច្រើនរបស់តារា K-Pop ដែលកាន់ជាប់ជាមួយនឹងលិខិតឆ្លងដែន។

ដូចថ្មីនេះ អ្នកគាំទ្រសង្កេតឃើញសមាជិកក្រុមនារីរបស់ HYBE គឺ LE SSERAFIM សុទ្ធតែកាន់លិខិតឆ្លងដែន មានពណ៌ និងប្រភេទផ្សេងៗគ្នា ដោយវាបានក្លាយជាការជជែកវិភាគពេញបណ្ដាញសង្គម ពិសេសពីសំណាក់អ្នកគាំទ្ររបស់ពួកគេផ្ទាល់។

ដើម្បីជាការបញ្ជាក់ច្បាស់ សូមបង្ហាញមូលហេតពីក្រោយ ការកាន់លិខិតឆ្លងដែនខុសគ្នារបស់ LE SSERAFIM ដូចតទៅ៖

តួយ៉ាងដូច Kim Chaewon និង Hong Eunchae ដែលសុទ្ធតែជាជនជាតិកូរ៉េ ដូច្នេះពួកគេប្រាកដជាត្រូវមានលិខិតឆ្លងដែនកូរ៉េហើយ។ ប៉ុន្តែ Chaewon កាន់លិខិតឆ្លងដែនម៉ូដចាស់ (ពណ៌បៃតង) ស្របពេល Eunchae កាន់លិខិតឆ្លងដែន Version ថ្មី (ពណ៌ខៀវ)។

(ពីឆ្វេងទៅស្ដាំ) Chaewon និង Eunchae

Passport កូរ៉េ (Version ចាស់ និង Version ថ្មី)

ចូលដល់ Huh Yunjin វិញ កាន់លិខិតឆ្លងដែនអាមេរិក ខុសគេ និងមានពណ៌ខៀវ។

Huh Yunjin

ចំណែក Sakura និង Kazuna គឺជាជនជាតិជប៉ុន ដូច្នេះក៏ត្រូវមានលិខិតឆ្លងដែនជប៉ុនដែរ។ យ៉ាងណាក្ដី អ្នកទាំង ២ ក៏មាន Passport ខុសគ្នាដែរ ដោយសារ Sakura កាន់ពណ៌ក្រហម ដែលមានន័យថា វាមានសុពលភាព ១០ឆ្នាំ។ ឯ Kazuna វិញ កាន់ ពណ៌ខៀវទឹកប៊ិច ដែលជាលិខិតឆ្លងដែន មានសុពលភាព ៥ឆ្នាំ៕