អបអរសាទរ លោក ពុយ គា ត្រូវ​បាន​តែងតាំង​ជា​ប្រធាន​ក្លឹបអ្នកកាសែត​កម្ពុជា

  • 2022-12-05 04:21:12
  • ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ពុយ គា ដែល​ជា​អ្នក​រាយការណ៍​ព័ត៌មានជើងចាស់ និង​មាន​បទពិសោធន៍​យូរ​ឆ្នាំ ត្រូវ​បាន​តែងតាំង​ធ្វើ​ជា​ប្រធាន​ក្លឹបអ្នកកាសែត​កម្ពុជា(ក.អ.ក) បន្ទាប់​ពី​ប្រធាន​ចាស់​លោក ប៉ែន បូណា បាន​លាលែង។

ប្រធាន​ក្លឹប​ចាស់​លោក ប៉ែន បូណា ដែល​ត្រូវ​បាន​រាជរដ្ឋាភិបាល​តែង​តាំង​ជា​រដ្ឋលេខាធិការ​ក្រសួង​ព័ត៌មាន​ថ្មី​ៗ។ ក្នុង​ស្ថានភាព​នេះ យោង​តាម​លក្ខខន្តិកៈ និងបទ​បញ្ជា​ផ្ទៃ​ក្នុង​របស់ ក.អ.ក លោក ប៉ែន បូណា បាន​សុំ​លាឈប់​ពី​ប្រធានក្លឹប។ ដូច្នេះ​ដើម្បី​បន្តនិរន្តរភាពរបស់ក្លឹប គណៈកម្មការធិការនាយក ក.អ.ក បាន​សម្រេច​តែង​តាំង​លោក ពុយ គា ជំនួស​វិញ។

ជាមួយ​គ្នា លោក ខៀវ កូឡា អ្នកអធិប្បាយ​ព័ត៌មានទូរទស្សន៍ និង​ជា​អ្នក​កាសែត​ជើងចាស់​ដែរ​នោះ ត្រូវ​បាន​តែង​តាំង​ជា​អគ្គលេខាធិការ​ក្លឹប​អ្នក​កាសែត​កម្ពុជា​ផង​ដែរ។ នេះ​បើ​តាម​ការ​ជូន​ដំណឹង​របស់ ក.អ.ក នៅ​ព្រឹក​ថ្ងៃ​ទី ០៥ ធ្នូ ២០២២​នេះ៕

អត្ថបទ៖ ទារិកា

អត្ថបទថ្មី