ល្បីពេញកូរ៉េថា Park Seo Joon និង YouTuber នារីវ័យក្មេង កំពុងទាក់ទងស្រឡាញ់គ្នា

2023-06-20 08:22:09
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី២០ ខែមិថុនា ឆ្នាំ ២០២៣ មានសេចក្ដីរាយការណ៍ថា តារាសម្ដែង Park Seo Joon ទំនងជាមានទំនាក់ទំនងស្នេហាជាមួយនឹងតារាចម្រៀង និងជា YouTuber xooos។

ផ្អែកតាមប្រភពផ្ទៃក្នុងបានបង្ហើបឲ្យដឹង តាមរយៈ JTBC News កាលពីខែកន្លងទៅ ដោយអះអាងថា តារាសម្ដែងកូរ៉េដ៏ល្បី Park Seo Joon និង តារាវ័យក្មេង xooos។ អ្នកទាំងពីរ មានទំនាក់ទំនងកាន់តែស្និទ្ធស្នាលនឹងគ្នា ហើយឈានដល់ណែនាំមិត្តជិតស្និទ្ធរបស់ពួកគេ ឲ្យគ្នាស្គាល់ទៅវិញទៅមកទៀតផង។ បុរសនារីមួយគូនេះ ថែមទាំងបានណាត់ជួបគ្នាច្រើនដង ថែមទាំងចំណាយពេលដ៏មានន័យ ដើម្បីហាត់ប្រាណជាមួយគ្នា ឬលេងកម្សាន្តនៅកន្លែងផ្សេងជាមួយគ្នាទៀតផង។

ជាមួយគ្នានោះ មានអ្នកប្រើបណ្ដាញសង្គមម្នាក់ បានបង្ហោះរូបរបស់អ្នកទាំងពីរ ជាមួយនឹងមិត្តភ័ក្តិរបស់ពួកគេនៅលើប្រព័ន្ធអនឡាញទៀតផង នៅថ្ងៃទី ២០ ខែមិថុនា ឆ្នាំ២០២៣ ដែលជាហេតុធ្វើឲ្យរឿងនេះ ប្រែក្លាយជាប្រធានបទក្ដៅគគុក។ នៅថ្ងៃដដែល ក្រុមហ៊ុនរបស់ Park Seo Joon ក៏បានចេញមុខតបទៅនឹងព័ត៌មានខាងលើដែរ ដោយអះអាងថា «វាពិតជាពិបាកក្នុងការបញ្ជាក់ពីរឿងរ៉ាវផ្ទាល់ខ្លួនរបស់តារារបស់យើងណាស់» ព្រមទាំងភ្ជាប់ជាមួយនឹងការសុំទោស។

ងាកទៅ xooos វិញ គឺជាតារាវ័យក្មេង ដែលមានឈ្មោះពិត Kim Soo Yeon កើតនៅឆ្នាំ ១៩៩៤ ហើយបច្ចុប្បន្នមានវ័យ ២៩ ឆ្នាំ។ ដូច្នេះមានសេចក្ដីថា Park Seo Joon មានវ័យច្រើនជាងនាង ៥ឆ្នាំ។ xooos បច្ចុប្បន្នគឺជាតារាចម្រៀង និងជា YouTuber ដែលមានអ្នក Subscribe ចំនួន ១,៥លាននាក់៕

ទស្សនាវីដេអូបទចម្រៀងរបស់នាងដូចខាងក្រោម៖