Bayern ដាក់សំណើសុំទិញ Kane
- 2023-06-27 12:36:19
- ចំនួនមតិ 0 | ចំនួនចែករំលែក 0
Bayern ដាក់សំណើសុំទិញ Kane
ចន្លោះមិនឃើញ
ក្នុងថ្ងៃនេះ ក្លឹបយក្សអាល្លឺម៉ង់ Bayern Munich បានសម្រេចដាក់សំណើសុំផ្ទេរយកខ្សែប្រយុទ្ធ Harry Kane ពីក្លឹប Tottenham Hotspur។ នេះបើតាមសេចក្ដីរាយការណ៍របស់អ្នកសារព័ត៌មានល្បីឈ្មោះ David Ornstein។
បើតាមប្រភពដដែល Bayern សុំផ្ទេរ Kane ក្នុងតម្លៃ ៧៧ លានដុល្លារសហរដ្ឋអាមេរិក។ គិតមកទល់នេះ មិនទាន់មានសេចក្ដីឆ្លើយតបផ្លូវការណាមួយឡើយពីសំណាក់ក្លឹប Spurs។
កុងត្រារបស់ Harry Kane ជាមួយ Spurs នឹងផុតកំណត់នៅខែមិថុនាឆ្នាំក្រោយ។ នេះមានន័យថា បើមិនមានការចុះកុងត្រាថ្មីណាមួយនោះទេ ហើយប្រសិនបើ Spurs មិនផ្ទេរចេញ Kane ក្នុងទីផ្សារដោះដូរនេះ ក្លឹបអង់គ្លេសនឹងបាត់បង់ខ្សែប្រយុទ្ធវ័យ ២៩ ឆ្នាំនៅរដូវកាលក្រោយ ដោយមិនទទួលបានតម្លៃផ្ទេរសូម្បីមួយសេន។
Kane គឺជាកីឡាករឆ្នើមរបស់ Spurs។ កីឡាករអង់គ្លេសរូបនេះចូលលេងឈុតធំឲ្យក្លឹបតាំងពីឆ្នាំ ២០១០ មក ហើយជាង ៦ រដូវកាលចុងក្រោយ ខ្សែប្រយុទ្ធបានបង្ហាញទម្រង់លេងយ៉ាងល្អ។ កីឡាករលេងឲ្យ Spurs សរុប ៤៣៥ លើក និងស៊ុតចូល ២៨០ គ្រាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
