យុគសម័យឈីបថ្មី! Qualcomm ត្រៀមបញ្ចេញឈីប AI សម្រាប់កុំព្យូទ័រ Window ដើរលឿនជាង Mac ទៅទៀត

2023-10-25 02:30:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Qualcomm បានប្រកាសថា ខ្លួននឹងបញ្ចេញជាផ្លូវការនូវឈីបថ្មីដែលគាំទ្រដល់មុខងារ AI សម្រាប់កុំព្យូទ័រដំណើរការ Window របស់ Microsoft ហើយត្រូវបានអះអាងថា វានឹងដើរលឿនជាងឈីបរបស់ Apple ដែលបំពាក់លើកុំព្យូទ័រ Mac ទៅទៀត។

Qualcomm បាននិយាយថា ឈីប Snapdragon Elite X ថ្មីរបស់ក្រុមហ៊ុននេះ នឹងអាចបំពាក់លើកុំព្យូទ័រ ចាប់ពីឆ្នាំក្រោយ ដោយវាត្រូវបានឌីហ្សាញបែបថ្មីដើម្បីអាចដោះស្រាយភារកិច្ច AI កាន់តែប្រសើរ ដូចជា ការសង្ខេបអ៊ីមែល សរសេរអត្ថបទ និងការបង្កើតរូបភាពជាដើម។

មុខងារ AI ទាំងនោះ ក៏នឹងក្លាយជាគន្លឹះដ៏សំខាន់របស់ឈីប Qualcomm សម្រាប់ស្មាតហ្វូន ខណៈ ក្រុមហ៊ុន Google និង Meta សុទ្ធតែបានបង្ហាញការពេញចិត្ត និងគ្រោងប្រើប្រាស់ពួកវាផងដែរ។

ជាមួយគ្នានេះ ក្រុមហ៊ុន Microsoft បានហៅឈីបថ្មីនេះថា នឹងជួយដល់ក្រុមហ៊ុនអាជីវកម្ម និងអ្នកប្រើប្រាស់ក្នុងយុគសម័យថ្មីនៃ AI PCs។

បើតាមការអះអាងរបស់ Qualcomm កាលពីថ្ងៃទី២៤តុលា ឱ្យដឹងថា ឈីបថ្មីនេះ គឺលឿនជាងឈីប M2 Max នូវមុខងារមួយចំនួន និងមានកម្លាំងខ្លាំងជាងឈីប Apple និង Intel ទៅទៀត៕

ប្រភព៖ Reuters ប្រែសម្រួល៖ សំភី