មិនធម្មតាទេ! ព្រះខ័នរាជស្វាយរៀង ១០ប្រកួត ៣០ពិន្ទុពេញដាច់ក្រុមលេខ២ ចំនួន ៨ពិន្ទុនៅ CPL

2023-11-07 04:32:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ព្រះខ័នរាជស្វាយរៀង បង្ហាញទម្រង់លេងល្អដោយរយៈពេល ១០ប្រកួតកន្លងទៅនេះនៅ ខេមបូឌានព្រីមៀរលីក (CPL) រដូវកាល ២០២៣-២០២២៤ នេះមិនទាន់ស្គាល់ពាក្យថាចាញ់នោះឡើយ ពោលមាន ៣០ពិន្ទុពេញតែម្ដង។

រូបភាពផ្ដល់ជូន

ក្រុមបាល់ទាត់ដែលមានមូលដ្ឋាននៅខេត្តស្វាយរៀងខាងលើនេះយកឈ្នះអស់ហើយក្រុមខ្លាំងនៅលីគកំពូលកម្ពុជា ដូចជា ភ្នំពេញក្រោន វិសាខា បឹងកេត និងប្រកួតសប្ដាហ៍ទី១០ កាលពីថ្ងៃទី៥ ខែវិច្ឆិកា ឆ្នាំ២០២៣ នេះបន្តយកឈ្នះក្រុមទ័ព ដោយលទ្ធផល ១-០។

ការឈ្នះលើក្រុមទ័ពនេះធ្វើឲ្យព្រះខ័នរាជស្វាយរៀង ឡើងដល់ ៣០ពិន្ទុពេញក្នុង ១០ប្រកួតនៃការប្រកួតជ្រើសរើសជើងឯក CPL រដូវកាលថ្មីនេះ។ រង់ចាំមើលទម្រង់លេងដ៏ល្អរបស់ ក្រុមស្វាយរៀង នៅឆ្នាំនេះតើមានក្រុមណាជាអ្នកបំបែកបានពិសេសនៅជុំទី២ ឬនៅតែបន្តឈ្នះរហូតបញ្ចប់រដូវកាល និងទទួលបានពានតែម្ដង។

រូបភាពផ្ដល់ជូន

បញ្ជាក់ដែរថា ក្រុមព្រះខ័នរាជស្វាយរៀង បច្ចុប្បន្ននេះកំពុងឈរកំពូលតារាង CPL មាន៣០ពិន្ទុ លេងក្នុង១០ប្រកួត។ ក្រុមលេខ២ ភ្នំពេញក្រោន មាន ២២ពិន្ទុ និងក្រុមលេខ៣ វិសាខា មាន ២១ពិន្ទុ។ ទាំងនេះជាលទ្ធផលពិន្ទុនៅសប្ដាហ៍ទី១០៕