ស្ថានទូតសាធារណរដ្ឋកូរ៉េប្រចាំព្រះរាជាណាចក្រកម្ពុជា បានរៀបចំមហោស្រពវប្បធម៌កូរ៉េ'ណាឌ្រី' ឆ្នាំ២០២៣ នៅមជ្ឈមណ្ឌលសហប្រតិបត្តិការកម្ពុជា-កូរ៉េ(CKCC) ដែលមានទីតាំងនៅក្នុងសាកលវិទ្យាល័យភូមិន្ទភ្នំពេញ(RUPP) នៅចុងសប្តាហ៍រយៈពេលពីរថ្ងៃ ចាប់ពីថ្ងៃសៅរ៍ ទី១៨ ខែវិច្ឆិកា ដល់ថ្ងៃអាទិត្យ ទី១៩ ខែវិច្ឆិកា។ មហោស្រពលើកនេះ ត្រូវបានសហការរៀបចំដោយស្ថានទូតសាធារណរដ្ឋកូរ៉េ ប្រចាំនៅព្រះរាជាណាចក្រកម្ពុជា និងមជ្ឈមណ្ឌលសហប្រតិបត្តិការកម្ពុជា-កូរ៉េ(CKCC) និងឧបត្ថម្ភដោយមជ្ឈមណ្ឌលអប់រំកូរ៉េ ទីក្រុងហូជីមិញ អង្គភាពទេសចរណ៍កូរ៉េ សាខាទីក្រុងហាន់ណូយ និងមូលនិធិកូរ៉េសម្រាប់ការផ្លាស់ប្តូរអន្តរជាតិ(KF)។

នៅរសៀលថ្ងៃសៅរ៍ ទី១៨ ខែវិច្ឆិកា ក្នុងពិធីបើកមហោស្រពវប្បធម៌កូរ៉េ'ណាឌ្រី' មានការអញ្ជើញចូលរួមពីឯកឧត្តម PARK Jung-Wook ឯកអគ្គរដ្ឋទូតសាធារណរដ្ឋកូរ៉េប្រចាំព្រះរាជាណាចក្រកម្ពុជា ឯកឧត្តមបណ្ឌិត ជេត ជាលី សាកលវិទ្យាធិការ សាកលវិទ្យាល័យភូមិន្ទភ្នំពេញ(RUPP) លោក ឃួន ថាវុធ នាយកមជ្ឈមណ្ឌលសហប្រតិបត្តិការកម្ពុជា-កូរ៉(CKCC) លោកស្រី Choi Moon Jung នាយិការទីភ្នាក់ងារសហប្រតិបត្តិការអន្តរជាតិសាធារណរដ្ឋកូរ៉េ(KOICA) ប្រចាំព្រះរាជាណាចក្រកម្ពុជា លោក Kil Hojin នាយកមជ្ឈមណ្ឌលអប់រំកូរ៉េប្រចាំទីក្រុងហូជីមិញ។ ឯកអគ្គរដ្ឋទូត PARK Jung-Wook បានមានប្រសាសន៍ថាខ្ញុំសង្ឃឹមថាភ្ញៀវទាំងអស់ដែលបានចូលរួមនៅក្នុងពិធីនេះនឹងរីករាយប្រកបដោយផាសុកភាព ដែលប្រៀបដូចជាអ្នកបានដើរចេញទៅក្រៅនៅថ្ងៃរដូវស្លឹកឈើជ្រុះដ៏ត្រជាក់ ហើយឯកឧត្តមនឹងបន្តខិតខំប្រឹងប្រែង ដើម្បីលើកកម្ពស់ការផ្លាស់ប្តូរវប្បធម៌រវាងប្រទេសកូរ៉េ និងកម្ពុជា។ នៅក្នុងពិធីបើកនោះ មានការចាក់បញ្ចាំងវីដេអូផ្សព្វផ្សាយស្ដីពីពិព័រណ៍ពិភពលោកនៅទីក្រុងប៊ូសាន ឆ្នាំ២០៣០ និងទេសចរណ៍របស់ប្រទេសកូរ៉េ ការសម្តែងតេក្វាន់ដូ ការបង្ហាញម៉ូដសម្លៀកបំពាក់ប្រពៃណីកូរ៉េ Hanbok និងការសម្តែង K-pop ជាបន្តបន្ទាប់។

ក្នុងកម្មវិធី 'ណាឌ្រី' មានស្តង់ពិសោធន៍ផ្សេងៗដូចជា ការស្លៀកសម្លៀកបំពាក់ប្រពៃណីកូរ៉េ(Hanbok) ការបញ្ចាំងភាពយន្តកូរ៉េ ការប្រគុំតន្ត្រី K-pop ល្បែងប្រពៃណីបោះគ្រាប់ព្រួញចូលបំពង់(Tuho) ធ្វើ Dalgona ភ្លក្សរសជាតិអាហារតាមបែបចិញ្ចើមថ្នល់របស់កូរ៉េ ការក្រងអំបោះជាបន្តោងប្រពៃណីកូរ៉េ ការផាត់ពណ៌លើផ្លិត ថ្នាក់រៀនធ្វើម្ហូបកូរ៉េ គីមឈី និងគីមឈី pancake ថ្នាក់រៀនផាត់មុខ រួមទាំងថ្នាក់សរសេរអក្សរផ្ចង់ Hangeul ត្រូវបានដំណើរការដើម្បីផ្តល់ជូនភ្ញៀវកម្ពុជានូវឱកាសទទួលបានបទពិសោធន៍ពីវប្បធម៌ប្រពៃណីដ៏សម្បូរបែប និងទំនើបរបស់ប្រទេសកូរ៉េ។

ភ្ញៀវដែលបានចូលរួមក្នុងកម្មវិធីនេះ បានភ្លក្សរសជាតិអាហារកូរ៉េជាច្រើនមុខដូចជា Tteokbokki, Sundae, Gimbap, So-tteok so-tteok និងនំបំពងដោយកម្ដៅធ្វើពីអង្ករ ខណៈពេលដែលស្លៀក Hanbok ចម្រុះពណ៌យ៉ាងស្រស់ស្អាត ក៏បានថតរូបភស្តុតាងជាមួយនឹង Gwanghwamun, កំពូលភ្នំទាំងប្រាំ ចង្កៀងគោមប្រពៃណីកូរ៉េនៅផ្ទៃខាងក្រោយ។ លើសពីនេះ ភ្ញៀវទទួលបានបទពិសោធន៍វប្បធម៌កូរ៉េជាច្រើននៅស្តង់ពិសោធន៍ដូចជា ការលេងល្បែងប្រពៃណីបោះគ្រាប់ព្រួញចូលបំពង់(Tuho) ក្រងអំបោះជាបន្តោងប្រពៃណីកូរ៉េ ថ្នាក់សរសេរអក្សរផ្ចង់ Hangeul និងថ្នាក់បង្រៀនធ្វើម្ហូបកូរ៉េ Kimchi និង Kimchi pancake។ Hana ជានិស្សិតមហាវិទ្យាល័យផ្នែកព័ត៌មានវិទ្យា(IT) នៃសាកលវិទ្យាល័យភូមិន្ទភ្នំពេញ ក្នុងនាមជាអ្នកគាំទ្រ BTS និង Blackpink បាននិយាយថា គាត់ពិតជារីករាយក្នុងការសាកល្បងស្លៀកសម្លៀកបំពាក់ប្រពៃណីកូរ៉េ Hanbok មើលការសម្តែងរបស់ K-pop និងទទួលយកនូវបទពិសោធន៍វប្បធម៌កូរ៉េផ្សេងៗនៅពេលចូលរួមក្នុងកម្មវិធី 'ណាឌ្រី' នេះ។

Phon Saotin ជាអ្នកចម្អិនគីមឈី Pancake ក្នុងថ្នាក់បង្រៀនធ្វើម្ហូបកូរ៉េ បាននិយាយថា គាត់បានចូលរួមកម្មវិធី 'ណាឌ្រី' ជារៀងរាល់ឆ្នាំ ហើយគាត់ចូលចិត្តម្ហូបកូរ៉េ ព្រោះវាមើលទៅគួរឱ្យទាក់ទាញ មានរសជាតិឆ្ងាញ់ ហើយមានទាំងជីវជាតិទៀតផង គាត់សង្ឃឹមថា ព្រឹត្តិការណ៍ដែលទាក់ទងនឹងអាហារកូរ៉េនឹងប្រព្រឹត្តទៅកាន់តែញឹកញាប់នាពេលអនាគត។

ក្រៅពីការលេងកំសាន្ត នៅមានអ្វីជាច្រើនទៀតត្រូវបានទស្សនាក្នុងកម្មវិធីនេះ។ ក្នុងពិធីបើកកម្មវិធីនោះ បន្ថែមពីលើការបង្ហាញម៉ូដសម្លៀកបំពាក់ប្រពៃណីកូរ៉េ(Hanbok) ការសម្តែងតេក្វាន់ដូ និងការសម្តែង K-pop វីដេអូប្រគុំតន្ត្រី K-pop Super Live ដែលមាន Holy Bang, New Genes ជាដើម ត្រូវបានចាក់បញ្ចាំងអំឡុងពេលពីរថ្ងៃនៃកម្មវិធីនេះ ហើយការប្រគុំតន្ត្រីខ្នាតតូចរបស់ K-pop ត្រូវបានប្រារព្ធធ្វើឡើងនៅថ្ងៃអាទិត្យ ទី១៩ ខែវិច្ឆិកា ក្រុម 4ever, Reonce និង Sunday Taekwondo Team ដែលជាម្ចាស់ជ័យលាភីនៃកម្មវិធី K-Pop World Festival Cambodia បានបង្ហាញពីការសម្តែងដ៏អស្ចារ្យនៅលើឆាក។ លើសពីនេះ ក្រុមរាំ Cover និងតារាចម្រៀងដែលស្រលាញ់តន្ត្រីកូរ៉េ ក៏បានចូលរួម និងបង្ហាញពីចំណង់ចំណូលចិត្តរបស់ពួកគេចំពោះ K-pop យ៉ាងពុះកញ្ជ្រោលផងដែរ។ លើសពីនេះ ដោយមានការគាំទ្រពីមូលនិធិកូរ៉េ(KF) ភាពយន្តកូរ៉េសរុបចំនួនបីរឿងត្រូវបានចាក់បញ្ចាំង៖ , និង ។ នារីកូរ៉េ ជាអ្នកផលិតមាតិការក្នុងបណ្ដាញសង្គម ជាជនជាតិកូរ៉េ ដែលមានសកម្មភាពក្នុងប្រទេសកម្ពុជា បានរៀបចំថ្នាក់រៀនផាត់មុខ ដែលគាត់បានបង្រៀនអ្នកទស្សនាពីអាថ៌កំបាំងនៃការថែរក្សាស្បែករបស់ជនជាតិកូរ៉េ និងបង្ហាញពីការតុបតែងមុខបែបកូរ៉េ ដែលទាក់ទាញការចាប់អារម្មណ៍ពីស្ត្រីខ្មែរជាច្រើន។

ស្ថានទូតបានផ្តល់ស្តង់ផ្សព្វផ្សាយអាជីវកម្ម សម្រាប់សហគ្រាសកូរ៉េវិនិយោគនៅក្រៅប្រទេស(ធនាគារ Shinhan Bank Woori Bank និង Camko Brothers) ដើម្បីគាំទ្រសកម្មភាពអាជីវកម្ម ផ្តល់ឱកាសដល់ក្រុមហ៊ុនកូរ៉េក្នុងការផ្សព្វផ្សាយផលិតផលរបស់ខ្លួនប្រកបដោយប្រសិទ្ធភាពដល់ប្រជាជនកម្ពុជាជំនាន់ MZ ដែលចូលចិត្តវប្បធម៌កូរ៉េ និងប្រើវាជាឱកាសដើម្បីជំរុញការនាំចេញមកកម្ពុជា។