លន បញ្ញា បានឡានភ្លាមមិនភ្លេចឡើយអរគុណចំពោះអ្នកគាំទ្របោះឆ្នោតឲ្យជាប់ឡើងវគ្គផ្ដាច់ព្រ័ត្រ

2023-12-15 07:27:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរមកពីខេត្តព្រៃវែង លន បញ្ញា បន្ទាប់ពីឈ្នះបានឡានយប់មិញពី BOOSTRONG គឺមិនភ្លេចឡើយចំពោះអ្នកគាំទ្រដែលអាណិតស្រឡាញ់ និងបានបោះឆ្នោតឲ្យបានឡើងដល់វគ្គផ្ដាច់ព្រ័ត្រ។

រូបភាពផ្ដល់ជូន

លន បញ្ញា បានឲ្យដឹងថា បើនិយាយពីអារម្មណ៍វិញគឺសប្បាយចិត្តបំផុតហើយដែលឈ្នះបានឡាន១គ្រឿងកាលពីយប់មិញក្នុងកម្មវិធី BOOSTRONG។ រូបគេសូមថ្លែងអំណរគុណជាខ្លាំងចំពោះអ្នកគាំទ្រដែលអាណិតស្រឡាញ់ ចូលចិត្ត និងបានបោះឆ្នោតឲ្យជាប់យប់មិញនេះ និងអរគុណដល់ក្រុមហ៊ុន BOOSTRONG ដែលបានផ្ដល់ឱកាសមួយនេះ។

រូបភាពផ្ដល់ជូន

ជាមួយនេះគ្នានេះដែរ បញ្ញា ក៏បានថ្លែងអំណរគុណដល់លោក ធន់ សុភា ដែលជាគ្រូបង្ហាត់បង្រៀនឲ្យខ្លួនឈានដល់ទទួលជោគជ័យធំដូចនេះ។ អ្នកលេងគុនខ្មែរដើមកំណើតពីខេត្តព្រៃវែងរូបនេះសន្យាថានឹងខំហ្វឹកហាត់ពង្រឹងសមត្ថភាពបន្ថែមទៀតមិនឲ្យអ្នកគាំទ្រខកបំណងឡើយ និងចង់បន្តឲ្យយូរជាងនេះក្នុងវិស័យកីឡាប្រដាល់។

រូបភាពផ្ដល់ជូន

រំលឹកដែរថា លន បញ្ញា យប់មិញនេះនៅជុំទី១ ឈ្នះកីឡាករថៃ បន្ទាប់មកក៏ជាប់ការបោះឆ្នោតគាំទ្របន្តទៀតឡើងទៅវគ្គផ្ដាច់ព្រ័ត្រប៉ះ សុខហ៊ុច និងបានផ្ដួលដៃគូឲ្យបោះបង់ការប្រកួតនៅទឹកទី២ ឈ្នះបានឡាន ១គ្រឿងពីសង្វៀន BTV ដែលឧបត្ថម្ភពីក្រុមហ៊ុន BOOSTRONG។ រង្វាន់ឡានយប់មិញនេះជាឡានទី៤ ហើយដែលក្រុមហ៊ុន BOOSTRONG បានផ្ដល់ជូនកីឡាករគុនខ្មែរ៕