Man Utd កំពុងតែមានកំណត់ត្រាដ៏អាក្រក់មួយនៅក្នុងប្រវត្តិសាស្ត្ររបស់ខ្លួន

2023-12-26 11:36:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Manchester United កំពុងតែមានកំណត់ត្រាដ៏អាក្រក់មួយនៅក្នុងប្រវត្តិសាស្ត្ររបស់ខ្លួន។

ក្លឹបដែលមានរហ្សនាមបិសាចក្រហមមួយនេះ នៅពេលនេះដែរកំពុងតែឈរលេខ ៨ នៅក្នុងតារាងលីគកំពូលអង់គ្លេស គិតត្រឹមសប្ដាហ៍ទី១៨។ បន្ថែមពីនេះទៀត Man Utd អស់ឱកាសលេងនៅក្នុងក្របខ័ណ្ឌអឺរ៉ុបហើយ សូម្បីតែ UEFA Europa League។

សារព័ត៌មាន BBC បានចងក្រងស្ថិតិមួយចំនួនពាក់ព័ន្ធនឹងកំណត់ត្រាដ៏អាក្រក់របស់ Man Utd៖

នៅក្នុង ២៦ប្រកួតចុងក្រោយរបស់ Man Utd ក្លឹបនេះចាញ់ ១៣ប្រកួតទៅហើយ ហើយការចាញ់ ១៣ប្រកួតនេះ ស្មើនឹងបរាជ័យសរុបនៅក្នុងការលេង ៦៥ប្រកួតគ្រប់កម្មវិធីរបស់ខ្លួនកាលពីរដូវកាលមុន។
នៅក្នុងឆ្នាំ២០២៣នេះ Man Utd ចាញ់សរុប ២០ប្រកួត។ លើកចុងក្រោយដែលក្លឹបនេះចាញ់ ២០ប្រកួតក្នុងមួយឆ្នាំគឺនៅឆ្នាំ១៩៨៩។
នៅក្នុងលីគអង់គ្លេស Man Utd ចាញ់ ៨ប្រកួត គិតត្រឹមសប្ដាហ៍ទី១៨។ នេះជាលើកទីមួយហើយ ដែល Man Utd ចាញ់ច្រើនដល់ម្លឺងនៅមុនថ្ងៃគ្រិស្តម៉ាស។ លើកចុងក្រោយ ដែល Man Utd ចាញ់ច្រើនបែបនេះគឺនៅឆ្នាំ១៩៣០៕

ប្រភព៖ BBC អត្ថបទ៖ សេរី មង្គល