បើអ្នកកំពុងស្វែងរកស្នាមញញឹម សង្ឃឹមថាសម្រង់សម្ដី Jungkook ទាំងនេះក្លាយជាថ្នាំទិព្វជួយឲ្យស៊ូនឹងជីវិតមួយនេះតទៀត

2023-12-28 04:05:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Jungkook ត្រូវបានគេស្គាល់ច្បាស់ថាជាមនុស្សម្នាក់ដែលមានបេះដូងបរិសុទ្ធ និងកក់ក្ដៅបំផុតចំពោះអ្នកនៅជុំវិញខ្លួន។ ក្ដីស្រឡាញ់ដែលមានជាប់ខ្លួនតាំងពីកើត នេះហើយបានធ្វើឲ្យ Jungkook ទទួលបានមកវិញនូវការគាំទ្រពីអ្នកគាំទ្រ ហើយសូម្បីអ្នកមិនមែនជាអ្នកគាំទ្រ BTS ក៏តែងកោតសរសើរនឹងអត្តចរិតពីកំណើតរបស់តារាប្រុសរូបនេះដែរ។

មិនថាតាមរយៈវីដេអូ Live លើ Weverse ឬ Post ដែលលោកបង្ហោះនាពេលកន្លងមក ឬសូម្បីស្ថិតក្នុងបទសម្ភាសណាមួយ ប្អូនពៅរបស់ BTS រូបនេះតែងនាំមកជាមួយនឹងពាក្យសម្ដីលើកទឹកចិត្ត និងលួងលោមអារម្មណ៍អ្នកដែលបានមើល បានស្ដាប់ដោយប្រយោល ទោះបីពាក្យខ្លះជាពាក្យលេងសើច ប៉ុន្តែបង្កប់ន័យលួងលោមអារម្មណ៍គ្រប់គ្នាឲ្យមានកម្លាំងចិត្តស៊ូបន្តនឹងជីវិតមួយនេះ។

ពាក្យពេចន៍របស់ Jungkook មានន័យគ្រប់គ្រាន់ ធ្វើឲ្យអ្នករសាយពីកង្វល់ ទោះក្នុងកាលៈទេសៈណាក៏ដោយ។ ដូច្នេះជូនចំពោះអ្នកដែលកំពុងស្វែងរកស្នាមញញឹម សង្ឃឹមថា សម្រង់សម្ដីទាំងនេះរបស់ Jungkook ក្លាយជាចំណែកមួយក្នុងការជួយអ្នក៖

១. «អ្នកគួរតែសាងគោលដៅ និងសុបិនអ្នកដោយខ្លួនឯង! ខ្ញុំគិតថា វាពិតជាគួរឲ្យអាណិតដែរ ចំពោះអ្នកខ្លះដែលមិនមានឱកាសក្នុងការបង្កើតក្ដីសុបិនខ្លួនឯង ដោយសាររងសម្ពាធពីខាងក្រៅ»

២. «កុំគិតថាវាយឺតពេលពេក ប៉ុន្តែត្រូវបន្តប្រឹងសម្រេចឲ្យបាន! វាអាចនឹងចាយពេលយូរ ប៉ុន្តែគ្មានអ្វីឲ្យផលអាក្រក់ទេ នៅពេលយើងហ្វឹកហាត់ឲ្យបានច្រើន»

៣. «នៅពេលណាដែល ARMY នឹកពួកយើង អ្នកអាចមករកពួកយើងបានគ្រប់ពេល! បើអ្នកត្រូវតែទៅ ឬបើអ្នកចង់ចេញទៅវិញ ចង់ចាកចេញពីពួកយើងបាន មិនអីទេ! ប៉ុន្តែត្រូវចាំថា ខ្ញុំនឹងនៅទីនេះជានិច្ច»

៤. «យើងគួរតែព្យាយាមគោរព និងយល់ពីគ្នាទៅវិញទៅមក! ពួកយើងត្រូវចេះគិតដល់ចិត្តគេឯង! មានតែពេលហ្នឹងទេ ដែលយើងអាចយល់ពីគ្នាទៅវិញទៅមក ហើយអាចជិតស្និទ្ធនឹងគ្នាបាន»

៥. «អ្នកពិតជាត្រូវរៀន ប៉ុន្តែកុំបៀមទុក្ខដោយសារវាខ្លាំងពេក! ដោយសារអ្នក អាចនឹងខកខានមិនបានធ្វើអ្វីដែលអ្នកចង់ធ្វើ ដោយសាររឿងអស់នោះ។ អ្នកត្រូវតែបង្កើតក្តីសុបិនខ្លួនឯង»