មិត្តល្អកម្ររកបាន! ក្នុងពេលមួយពព្រិចភ្នែក IU សម្រេចបំណងប្រាថ្នាឲ្យ V យ៉ាងជោគជ័យ

2024-01-24 02:30:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំមុន V (BTS) បានចូលរួមក្នុងកម្មវិធី IU's Palette របស់ IU ដើម្បីផ្សព្វផ្សាយអាល់ប៊ុមទោលដំបូងរបស់ខ្លួនគឺ «Layover»។

ក្នុងអំឡុងពេលនោះ នាងបានសួរលោកថា តើលោកចង់បន្តការសម្ដែងទេ ដោយសារទើបតែបានបង្ហាញមុខនៅក្នុង រឿងភាគ «Hwarang: The Poet Warrior Youth» មួយទេជាមួយនឹងបងប្រុសដ៏ល្អ Park Seo Joon និង Park Hyung Sik (ZE:A)។

V បញ្ជាក់ថា ខ្លួនចង់បន្តការសម្ដែងនាពេលខាងមុខ។ ដូច្នេះ នាងបានសួរថាតើ លោកចង់សាកល្បងការសម្ដែងប្រភេទអ្វី? ហើយ V ក៏ឆ្លើយភ្លាមថាប្រភេទ “Thriller”។

ជាក់ស្ដែងនៅថ្ងៃទី ២៣ ខែមករា ឆ្នាំ ២០២៤ (វេលានៅកម្ពុជា) IU បានចេញបទចម្រៀងថ្មី "Love wins all” ជាការស្វាគមន៍ឆ្នាំថ្មី ដោយមាន V ជាតួប្រុស។ វីដេអូរយៈពេល ៥ នាទីនេះ បានធ្វើឲ្យអ្នកទស្សនាមានការរំភើប លាយឡំនឹងកម្សត់ដោយសារសាច់រឿងពិតជាមិនធម្មតា ពោលគឺផលិតតាមបែប Sci-Fi Thriller។

ស្នាដៃបន្សល់ទុកមុនចូលទាហានមួយនេះ V ពិតជាធ្វើឲ្យ ARMY មានក្ដីរីករាយ និងភ្ញាក់ផ្អើលខ្លាំង ពេលបង្ហាញទេពកោសល្យអស្ចារ្យមួយបែបថ្មីមួយទៀត ជារូបភាពអ្នគគាំទ្រស្រមៃចង់ឃើញយូរមកហើយ។

ជាមួយគ្នានោះ ក៏មានការលើកឡើងព្រមគ្នាថា IU បានជួយឲ្យសុបិនរបស់ V ក្លាយជាការពិត មុនពេលលោកត្រូវឃ្លាតឆ្ងាយពីគ្រប់គ្នាចូលបម្រើជាតិ ២ ឆ្នាំ៕

ទស្សនាវីដេអូពេញខាងក្រោម៖