រាល់យន្តហោះដឹកអ្នកដំណើរទាំងអស់ គឺមិនហោះត្រង់​កាត់​មហាសមុទ្រប៉ាស៊ីហ្វិក ពីទ្វីបអាស៊ី ទៅ ទ្វីប​អាមេរិក​តែម្តង​នោះទេ ពោលគឺ​ហោះ​ជា​រាងខ្សែកោង ដូចក្នុងរូបខាងក្រោមនេះបង្ហាញ។ មូលហេតុគឺ​ដោយសារ​ការធ្វើដំណើរហោះហើរបែបនេះ មានរយៈពេលខ្លីជាង សុវត្ថិភាព និង​ចំណេញ។

បើយើងមើល​លើផែនទីក្រដាស យើងអាចនឹងគិតថា បើធ្វើដំណើរហោះត្រង់កាត់ពីលើមហាសមុទ្រ​ប៉ាស៊ីហ្វិក មានចម្ងាយខ្លីជាង និង​លឿនជាង។ តែការពិតគឺមិនមែនអ៊ីចឹងឡើយ ព្រោះថា​ផែនដីមានរាងមូល ពោលគឺ​បើយើងមើលភូគោលវិញ ឃើញថា មហាសមុទ្រប៉ាស៊ីហ្វិក បានខណ្ឌចែក​ទ្វីបអាស៊ី និងអាមេរិក ឆ្ងាយពីគ្នាខ្លាំងណាស់ (សូមមើលរូបខាងក្រោម)។

ដូច្នេះ​បើធ្វើដំណើរជារាងខ្សែកោងបែបនេះ គឺ​ជិតជាង មិនតែប៉ុណ្ណោះ តាមផ្លូវខ្សែកោងបែបនេះ គឺមាន​ព្រលានយន្តហោះច្រើន ដែលយន្តហោះអាចចុះចត​ក្នុងគ្រាអាសន្នណាមួយ។ ម្យ៉ាងវិញទៀត វាក៏នឹងផ្តល់ផលចំណេញ​សម្រាប់​ក្រុមហ៊ុនអាកាសចរណ៍ផងដែរ ព្រោះ​យន្តហោះអាចចុះដាក់ភ្ញៀវ និង​បន្ថែមភ្ញៀវ៕

SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB

អត្ថបទ៖ សំភី