"Cambodia Tech Catalyst 2024 ជាវេទិកាបច្ចេកវិទ្យាលើកដំបូងដែលគាំទ្រដោយក្រុមហ៊ុន Google Cloud Asia Pacific" គ្រោង​នឹងចាប់ផ្តើម​ធ្វើឡើង​នៅថ្ងៃទី១២ ខែមីនាខាងមុខនេះ នៅ អគារ Connexion កោះពេជ្រ។ Google ដែល​ជា​ក្រុមហ៊ុនធំបំផុត​លំដាប់ទី៦ ក្នុងពិភពលោក ក្តោបក្តាប់ទីផ្សារជាង ១ទ្រីលានដុល្លារនោះ ក៏គ្រោង​នឹងដាក់​ក្រុមហ៊ុន​បុត្រសម្ព័ន្ធមួយរបស់ខ្លួន ចូលរួម​ក្នុងវេទិកាបច្ចេកវិទ្យានេះ ដែល​ធ្វើឡើង​នៅកោះពេជ្រ ពីថ្ងៃទី១២ ដល់ ១៤ ខែមីនា ឆ្នាំ​២០២៤។

ព្រឹត្តិការណ៍​លើកដំបូង​នេះ រៀបចំ​ដោយក្រុមហ៊ុន OCIC Group, Impact Hub និង Khmer Enterprise នឹង​នាំយក​នូវ​តួអង្គ​សំខាន់ៗ​នៃប្រព័ន្ធអេកូបច្ចេកវិទ្យា ជាមួយនឹង​វិស្វករ​ Generative AI របស់ Google Cloud និង​ អ្នកគ្រប់គ្រង​ជោគជ័យ​អាជីវកម្មថ្មីៗ​ សម្រាប់​កិច្ចពិភាក្សា​ជាបន្តបន្ទាប់​ក្នុង​មជ្ឈមណ្ឌលសហគមន៍ថ្មី​នៅកោះពេជ្រ គឺ​អគារ Connexion។

អគារដែលប្រកបដោយសោភ័ណភាព Connexion គ្រោង​នឹងបើកសម្ពោធនៅក្នុងខែនេះ និងស្វាគមន៍​នូវព្រឹត្តិការណ៍​ដែលទាក់ទង​នឹងបច្ចេកវិទ្យាលើកដំបូងរបស់ខ្លួន នៅថ្ងៃទី ១៣ និង ១៤ ខែមីនា។ វេទិកា CTO Connect នឹង​អាចឱ្យ​ប្រធាន​ផ្នែកបច្ចេកវិទ្យា​នៃ​ក្រុមហ៊ុន​បច្ចេកវិទ្យា ផ្លាស់ប្តូរ​គ្នាទៅលើតម្រូវការ​ផ្សេងៗ​ដើម្បីអភិវឌ្ឍ និងពង្រីក​អាជីវកម្មរបស់ពួកគេ។

គោលបំណង​នៃការរៀបចំវេទិកានេះ គឺដើម្បី​បង្ហាញ​កម្ពុជាចំពោះ​និន្នាការឌីជីថលថ្មី និង​សារៈសំខាន់​ប្រព័ន្ធអេកូបច្ចេកវិទ្យារបស់ប្រទេស ដោយ​ការនាំយក​មករួមគ្នា​អ្នកធ្វើសេចក្តីសម្រេចចិត្តជាង ១០០នាក់ ព្រមទាំង​ការផ្តល់​នូវឱកាស​ចំពោះ​សិស្សនិស្សិតប្រមាណ ៥០០នាក់ ចំពោះ​ការផ្លាស់ប្តូរ​ជាមួយ​ក្រុមការងារ Google។ អ្នកដែលនឹងមកចូលរួមទាំងអស់គ្នានោះ គឺ​ស្ថាបនិក​អាជីវកម្មថ្មីៗ អ្នកវិនិយោគ ធនាគារ សម្ព័ន្ធក្រុមហ៊ុន និស្សិត និងម្ចាស់ភាគហ៊ុនដទៃទៀត។ ព្រឹត្តិការណ៍លើកទី១នេះ នឹងបម្រើដល់ការបង្កើត​ឱកាសសម្រាប់គ្រប់គ្នា​ ក្នុងការរៀនសូត្រ បង្កើតបណ្តាញ និងអភិវឌ្ឍជំនាញថ្មីលើបច្ចេកវិទ្យា​នាពេលអនាគត ដោយមិនចាំបាច់ត្រូវធ្វើដំណើរទៅក្រៅប្រទេស។

ព្រឹត្តិការណ៍​ដែលសហការ​រៀបចំដោយក្រុមហ៊ុន OCIC បានទទួលការគាំទ្រ​ពីដៃគូដ៏រឹងមាំ ដូចជា Khmer Enterprise, ISI Group, ធនាគារកាណាឌីយ៉ា, ក្រុមហ៊ុន Heineken, ក្រុមហ៊ុន Impact Hub, សមាគម​ហិរញ្ញវត្ថុ និងបច្ចេកវិទ្យាកម្ពុជា (CAFT), Connexion, Mekong Strategic Capital, Cambodia Investment Review, Kiripost, Sabay Digital, Baksey Media, Mekong Focus, SHE Investments, 58cam.com, Rising Giants, Emerging Markets Investment Advisors (EMIA), សាកលវិទ្យាល័យ CamTech, សាលាអន្តរជាតិកាណាដា-ភ្នំពេញ, Cambodia Academy of Digital Technology (CADT), Mekhala Radiant, Kess Innovation, Mekong Focus និងដៃគូ​ជាច្រើនទៀត។ វេទិកានេះ មានគោលដៅដើម្បីពង្រឹងសហគមន៍​ជុំវិញទិដ្ឋភាពសំខាន់ៗនៃការបង្កើត​បណ្តាញឌីជីថល និងសហគ្រិនភាព។

ព្រឹត្តិការណ៍សំខាន់ៗចំនួន២ ដែលរួមមាន​ទាំង CTO Connect រយៈពេល ២ថ្ងៃ និង​ពេលយប់​នៃការជួបជុំរបស់ CEO សម្រាប់​ការបង្កើត​បណ្តាញ​ជាមួយ​តំណាង Google Cloud។ បន្ថែម​លើសនេះ នឹងមាន​វគ្គពិសេសមួយ​នៅ CamTech សម្រាប់​និស្សិត​សាកលវិទ្យាល័យ និងមួយទៀត​នៅ​សាលាអន្តរជាតិកាណាដាភ្នំពេញ សម្រាប់​សិស្សវិទ្យាល័យ។ គំនិតផ្តួចផ្តើម​នេះ មានគោលបំណង​ផ្តល់នូវ​ការយល់ដឹង​សម្រាប់​សិស្ស-និស្សិត ភ្ជាប់​ជាមួយ​អ្នកជំនាញ​បច្ចេកវិទ្យា​តាមរយៈវគ្គពិសេសទាំងនេះ។ ក្នុងពេល​ជាមួយគ្នានេះដែរ វា​នឹងផ្តល់​ឱ្យ​ស្ថាបនិក​អាជីវកម្មបង្កើតថ្មី និងសហគ្រិន នូវ​ឱកាស​ ដើម្បី​ផ្លាស់ប្តូរនូវការរកឃើញ និងដំណោះស្រាយ ដើម្បីពង្រីក​អាជីវកម្មរបស់ពួកគេ​តាមរយៈ​វគ្គ CTO Connect។

លោក Tea Thierry អនុប្រធានក្រុមហ៊ុន OCIC បាន​និយាយថា យើងមានសេចក្តីរីករាយ​ក្នុងការសហការរៀបចំ​វេទិកា «Cambodia Tech Catalyst» ជាមួយដៃគូសហគមន៍​របស់យើង ដែលកត់សម្គាល់​ពីកិច្ចប្រឹងប្រែងរបស់វិស័យឯកជន​ ដើម្បីគាំទ្រ​ដល់ការប្រែក្លាយ​ឌីជីថល និងបច្ចេកវិទ្យា​របស់​ប្រទេស។ គំនិតផ្តួចផ្តើម​នេះ ឆ្លុះបញ្ចាំង​ពីការតាំងចិត្តរបស់​ក្រុមហ៊ុន OCIC គាំទ្រ​គំនិតច្នៃប្រឌិត និង​កំណើនប្រកបដោយចីរភាព ខណៈដែលយើង​បានបន្ថែម​ការចូលរួមចំណែក​បង្កើនជំនាញ​ដល់​យុវជន​កម្ពុជា តាមរយៈឱកាស​ជាច្រើន ដូចជា វេទិកានេះជាដើម និង​កម្មវិធីអនាគត​ផ្សេងៗទៀត នៅមជ្ឈមណ្ឌលសហគមន៍ Connexion។

ជាមួយ​នឹងក្រុមការងារ Google ដែលមកពីសិង្ហបុរី ដឹកនាំដោយ​លោកស្រី Ong Esna និងលោកស្រី Chiu Kathleen គំនិតផ្តួចផ្តើម​នេះ បាន​រាប់​ខ្លះៗ​នូវ​សកម្មភាព​ដែល​គាំទ្រ​ប្រព័ន្ធអេកូបច្ចេកវិទ្យា​នៅក្នុងប្រទេសកម្ពុជា ដោយរួមមាន Melanie Mossard និង Kim Kosoma នៃ​ Impact Hub ឬ Chhem Siriwat នៃ AVI។

វត្តមាន​របស់​វិនិយោគិន និង Venture Capital ក៏ដូចជាលោក Mao Savin នៃ Emerging Markets Investment Advisers (EMIA) និងលោក Kem Bora នៃ Mekong Strategic Capital បានបង្ហាញ​ថា ប្រព័ន្ធអេកូនេះ គឺត្រៀមជាស្រេច​នូវ​កិច្ចសហការកាន់តែច្រើន ដើម្បីគាំទ្រ​កំណើន​នៃ​សហគ្រិនភាព និង​សហគមន៍អាជីវកម្មបង្កើតថ្មីៗ។

ស្ថាបនិក​អាជីវកម្មថ្មីៗ និងសហគ្រិន ដូចជា លោក Meas Molika, លោក Chy Sila, លោក Sam Kosal, លោក Jay Kong ឬ Sy Pauv Phou ដែល​ទទួលបាន​ជោគជ័យក្នុង​ក្រុមហ៊ុន​បច្ចេកវិទ្យារបស់ពួកគេ ក៏នឹង​ត្រៀមខ្លួន​រួចរាល់ផងដែរ ដើម្បីផ្តល់​នូវគន្លឹះសំខាន់ៗ​សម្រាប់​ស្ថាបនិកវ័យក្មេង។

ការចុះឈ្មោះ​សម្រាប់វេទិកា Cabodia Tech Catalyst 2024 ត្រូវបាន​បើកជាផ្លូវការហើយ។ ដើម្បីធានា​នូវការចូលរួមរបស់អ្នកក្នុងព្រឹត្តិការណ៍​នេះ សូមចូលទៅកាន់ https://goo.gle/48npdeT នៅថ្ងៃនេះ។ កន្លែង​មានចំនួនកំណត់!

អំពី Google Cloud

Google Cloud គឺ​ជាអ្នកឈានមុខគេ​នៃគំនិតច្នៃប្រឌិតគ្របដណ្តប់ដោយ AI និង​គ្រប់គ្រង​លើគម្រោង​ចាប់ផ្តើមដំបូងៗ ដោយរួមមាន Google សម្រាប់​កម្មវិធី Startups Cloud ដែល​ផ្តល់​នូវ​ការទទួលបាន​ការបណ្តុះបណ្តាលបច្ចេកទេស ការគាំទ្រ​អាជីវកម្ម និងផ្តល់ឥណទាន​រហូតដល់ 200,000 ដុល្លារអាមេរិក (និងរហូតដល់ 350,000 ដុល្លារអាមេរិក សម្រាប់ AI Startups) រយៈពេលជាង ២ឆ្នាំមកហើយ។ សម្រាប់ព័ត៌មានបន្ថែម សូមចូលទៅកាន់ https://goo.gle/southxchange ឬ goo.gle/48npdeT

អំពី OCIC

OCIC Group គឺជាក្រុមហ៊ុនឈានមុខគេមួយរបស់កម្ពុជា។ OCIC Group គឺជាក្រុមក្រុមហ៊ុន និងអាជីវកម្មដែលមានទំនាក់ទំនងជាមួយក្រុមហ៊ុន OCIC ហើយរួមបញ្ចូលនូវផលប័ត្រអាជីវកម្មក្នុងការអភិវឌ្ឍន៍អចលនទ្រព្យ ការអប់រំ ការថែទាំសុខភាព អាកាសយានដ្ឋាន សំណង់ និងវិស្វកម្ម ការលក់រាយ បដិសណ្ឋារកិច្ចចំពោះប្រព័ន្ធផ្សព្វផ្សាយ និងការកម្សាន្ត។ ការអភិវឌ្ឍន៍សំខាន់ៗរបស់ OCIC រួមមាន អាកាសយានដ្ឋានអន្តរជាតិតេជោ កោះពេជ្រ ទីក្រុងនរា ទីក្រុងរណបជ្រោយចង្វា និងទីក្រុងអូឡាំព្យា។ OCIC Group គឺ​ជា​សមាជិកមួយនៃ Canadia Group. www.ocic.com.kh

ទំនាក់ទំនងៈ

ក្រុមហ៊ុន OCIC អគារ Canadia Tower, ផ្លូវអង្គឌួង (លេខ 315) ភ្នំពេញ ប្រទេសកម្ពុជា។

លោក Jeriko Enriquez – +855 10 713 816 – jeriko.enriquez@ocic.com.kh

លោក Ambrine Kateb – +855 96 233 7462 – kateb.ambrine@ocic.com.kh