អ្នកប្រដាល់ល្បីឈ្មោះ រឿង សោភ័ណ្ឌ កំពុងជួបទុក្ខធំឪពុកមានជំងឺស្ទះសរសៃឈាមខួរក្បាលស្ថានភាពមិនទាន់អាចប៉ាន់ស្មាន

2024-06-05 05:03:33
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករគុនខ្មែរល្បីឈ្មោះនៅកម្ពុជា រឿង សោភ័ណ្ឌ បានបង្ហោះរូបភាពឪពុកកំពុងនៅមន្ទីរពេទ្យជោរៃ អបដោយខ្លឹមសារពិបាកចិត្តជាខ្លាំងលើបណ្ដាញសង្គម ខណៈស្ថានភាពជំងឺគ្រូពេទ្យថាមានស្ទះសរសៃឈាមខួរក្បាលត្រូវតាមដានយ៉ាងហោច ១សប្ដាហ៍សិន។

ឪពុកកីឡាករ រឿង សោភ័ណ្ឌ

បានតាមការឲ្យដឹងពីកីឡាករ រឿង សោភ័ណ្ឌ ថាជំហានដំបូងនេះខាងគ្រូពេទ្យប្រាប់ថាឪពុករបស់ខ្លួនស្ទះសរសៃឈាមក្នុងខួរក្បាលត្រូវតាមដានរយៈពេល ១សប្ដាហ៍សិនតើស្ថានភាពអ្នកជំងឺយ៉ាងណាប្រែធូរស្រាល ឬវិវត្តន៍ទៅមុខ។

កីឡាករ រឿង សោភ័ណ្ឌ

កីឡាកររហស្សនាមដៃភ្លើងជើងរន្ទះរូបនេះបន្ថែមទៀតថា ជំងឺរបស់ឪពុកគឺកើតភ្លាមៗតែម្ដងធ្វើឲ្យនិយាយលែងកើត និងទាញវៀចមុខមាត់ទៀតផង។ ឥលូវនេះកំពុងពិនិត្យ និងតាមដាននៅមន្ទីរពេទ្យជោរៃ។ ចំពោះការចំណាយប៉ុន្មានថ្ងៃនេះ សោភ័ណ្ឌ បង្ហើបថាអស់ច្រើន។ ពាក់ព័ន្ធនិងការឡើងប្រកួតវិញកីឡាកររូបនេះ មិនទាន់ដឹងថាសុំគេដកខ្លួនវិញ ឬយ៉ាងណានោះទេ ព្រោះនៅមិនទាន់ដល់ថ្ងៃ ប៉ុន្តែគ្រាន់តែដឹងថាកំពុងពិបាកចិត្ត និងនៅតាមដានជំងឺឪពុកផ្ទាល់។

កីឡាករ រឿង សោភ័ណ្ឌ

បញ្ជាក់ដែរថា តាមការបង្ហោះលើហ្វេសបុករបស់ រឿង សោភ័ណ្ឌ អំពីឪពុកដែលឈឺនេះប្រហែល ១-២ ថ្ងៃមុននេះ។ លោកឪពុក រឿង សោភ័ណ្ឌ ក៏ជាគ្រូប្រដាល់មួយរូបដែរដែលនៅចាំបង្ហាត់ក្មេងៗថ្នាលក្នុងក្លឹបរបស់ខ្លួន និងលោកបានជួយមើលការខុសត្រូវនៅពេលកូនប្រុសរវល់ ឬចេញទៅប្រកួតម្ដងៗ៕

អត្ថបទ៖ នួន ស៊ីណា