ប្រមុខរាជរដ្ឋាភិបាល​កម្ពុជា បាន​ចេញ​អនុក្រឹត្យ​បង្កើត​គ្រឹះស្ថាន​សាធារណៈរដ្ឋបាល ដែលមានឈ្មោះថា «មន្ទីរពិសោធន៍​ជាតិវិទ្យាសាស្រ្ត បច្ចេកវិទ្យា និងនវានុវត្តន៍ (STINL) ស្ថិតក្រោម​ចំណុះក្រសួង​ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងក្រសួងសេដ្ឋកិច្ច និងហិរញ្ញវត្ថុ។

មន្ទីរពិសោធន៍ជាតិនេះ ​ជានីតិបុគ្គល​នៃនីតិសាធារណៈ និងមានថវិកា​ស្វយ័ត​ដែលត្រូវឆ្លុះ​បញ្ចាំង​ជាឧបសម្ព័ន្ធ​នៃថវិកា​របស់ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។ ទីតាំងគឺ​ស្ថិតនៅអគារ​លេខ ១១៥៧ ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ។

ភារកិច្ចរបស់មន្ទីរពិសោធន៍ជាតិ​ រួមមានដូចជា ធ្វើតេស្ត ឬវិភាគ ផ្នែករូប គីមីសាស្រ្ត មីក្រូជីវសាស្រ្ត មេកានិក អគ្គិសនី អេឡិចត្រូនិក ដើម្បីកំណត់​គុណភាព និងលក្ខណៈវិនិច្ឆ័យរបស់ផលិតផល តាមការស្នើសុំ និងភាពចាំបាច់ និងបម្រើ​ឱ្យការអភិវឌ្ឍវិទ្យាសាស្រ្ត បច្ចេកវិទ្យា និងនវានុវត្តន៍៕

អត្ថបទ៖ សំភី