Messi ក្លាយជាកីឡាករជួយរកគ្រាប់បាល់ច្រើនជាងគេ ក្នុងកម្មវិធីប្រកួតធំៗបាល់ទាត់ក្រុមជម្រើសជាតិ
- 2024-06-21 12:23:05
- ចំនួនមតិ 0 | ចំនួនចែករំលែក 0
Messi ក្លាយជាកីឡាករជួយរកគ្រាប់បាល់ច្រើនជាងគេ ក្នុងកម្មវិធីប្រកួតធំៗបាល់ទាត់ក្រុមជម្រើសជាតិ
ចន្លោះមិនឃើញ
ខ្សែប្រយុទ្ធ Lionel Messi បានក្លាយជាកីឡាកររកបានគ្រាប់បាល់ និង Assist បានច្រើនជាងគេ ក្នុងកម្មវិធីប្រកួតធំៗបាល់ទាត់ក្រុមជម្រើសជាតិ ក្រោយចូលរួមឲ្យក្រុមអាហ្សង់ទីនឈ្នះប្រកួតនឹងក្រុមជម្រើសជាតិកាណាដា ២-០ ក្នុងប្រកួត Copa America នៅក្នុងថ្ងៃនេះ។
កីឡាកររូបនេះក៏បានក្លាយជាកីឡាករ ដែលចូលរួមការប្រកួត Copa America ច្រើនដងជាងគេផងដែររហូតទៅដល់ ៣៥ដង។
នៅក្នុងការប្រកួត Copa America ខាងលើនេះ Messi បានជួយ Assist ឲ្យ Julian Alvarez ស៊ុតចូលមួយគ្រាប់នៅនាទីទី៤៩ ដែលធ្វើឲ្យកីឡាករមួយនេះអាចបំបែកកំណត់ត្រាមួយនេះ។
មកទល់នឹងក្នុងកម្មវិធីប្រកួតធំៗបាល់ទាត់ក្រុមជម្រើសជាតិដែលមានដូចជា World Cup និង Copa America កីឡាករ Messi រូបនេះបានស៊ុតចូល និង Assist បញ្ចូលគ្នាបាន ៥៤ដង ដោយស៊ុតចូល ២៦គ្រាប់ និង Assist ២៨ដង។
នៅក្នុងការប្រកួត Copa America នេះ Messi ត្រូវបានគេដឹងថា គ្រោងនឹងយកពាននេះបន្ថែមទៀតផង ព្រោះតែការប្រកួតពាននេះអាចជាការប្រកួតចុងក្រោយរបស់គេក្នុងកម្មវិធី។
នៅក្នុងការប្រកួតលេងឲ្យក្រុមជម្រើសជាតិអាហ្សង់ទីន Messi បានជួយក្រុមឲ្យយកជ័យជំនះពានធំរួចរាល់ហើយគឺ ពាន World Cup កាលពីឆ្នាំ២០២២៕
ប្រភព៖ Fabrizio Romano
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
