ក្រុមទូកនាគកម្ពុជា មកដល់មាតុភូមិវិញហើយក្រោយដណ្ដើមមេដាយមាស១ សំរឹទ្ធ២ គ្រឿងលើកទឹកដីមហាអំណាចនុយក្លេអ៊ែរ រុស្សី

2024-07-03 05:38:01
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រកួតយ៉ាងស្វិតស្វាញតាំងពីថ្ងៃទី២៨ ដល់ ៣០ ខែមិថុនា ២០២៤ លើទឹកដីមហាអំណាចនុយក្លេអ៊ែរ រុស្សី ក្រុមកីឡាករទូកនាគកម្ពុជាបានវិលត្រលប់មកដល់មាតុភូមិវិញហើយពីយប់មិញនេះ អមជាមួយមេដាយមាស១ សំរឹទ្ធ២ គ្រឿង។

ទិដ្ឋភាពយប់មិញ

ឯកឧត្ដម យិត ភីរៈ អនុប្រធានសហព័ន្ធកីឡាទូកកានូ និងរ៉ូអ៊ីងកម្ពុជា បានឲ្យដឹងពេលទទួលប្រតិភូ គ្រូបង្វឹក កីឡាករវិលមកវិញយប់មិញនេះថា តាមរយៈជ័យជម្នះធំធេងនៅប្រទេសរុស្សីនេះបានបង្ហាញពីការភាពរីកចម្រើនលើបច្ចេកទេស រួមទាំងកម្លាំងកាយ បន្ទាប់ពីសម្ងំហ្វឹកហាត់យ៉ាងជាប់លាប់កន្លងមកនៅខេត្តស្វាយរៀង។

ទិដ្ឋភាពយប់មិញ

ក្រោមការដឹកនាំរបស់ឯកឧត្ដមអភិសន្តិបណ្ឌិត ស សុខា គឺតែងតែយកចិត្តទុកដាក់លើក្រុមជម្រើសជាតិជានិច្ច និងជំរុញលើកទឹកចិត្តជាខ្លាំងដល់ការហ្វឹកហាត់ និងការឧបត្ថម្ភនានា។ ហេតុនេះហើយទើបក្រុមជម្រើសជាតិកីឡាទូកនេះមានការរីកចម្រើនលឿន និងមានសមត្ថភាពឈានទៅដល់ការដណ្ដើមមេដាយកម្រិតអន្តរជាតិពិសេសនៅប្រទេសមហាអំណាចរុស្សីនេះតែម្ដង។

ទិដ្ឋភាពយប់មិញ

បញ្ជាក់ដែរថា កាលពីយប់ថ្ងៃទី២ ខែកក្កដា ឆ្នាំ២០២៤ នេះក្រុមប្រតិភូ គ្រូបង្វឹក កីឡាករ សរុបទាំង១៥នាក់បានវិលត្រលប់មកដល់មាតុភូមិវិញហើយ។ កម្ពុជាឈ្នះមេដាយ ៣ គ្រឿងក្នុងនោះរួមមាន មាស១ គ្រឿង លើវិញ្ញាសា ២០០០ម៉ែត្រ មេដាយសំរឹទ្ធ២ គ្រឿង លើវិញ្ញាសា ៥០០ម៉ែត្រ និង ២០០ម៉ែត្រ នៃព្រឹត្តិការណ៍ International Dragon Boat Festival រដ្ឋ Altai Krai ប្រទេសរុស្ស៊ី៕