ស្រាយចម្ងល់អ្នកគាំទ្រមួយចំនួនថាតើ ធន់ ចាន់តាក់ រស់នៅអូស្ត្រលី ឬយ៉ាងណា...

2024-07-05 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ ធន់ ចាន់តាក់ បន្ទាប់ពីប្រកួតជាមួយកីឡាករ Hashimi Sulaiman លើទឹកដីប្រទេសអូស្ត្រាលី តាំងពីថ្ងៃទី១៧ ខែឧសភា ឆ្នាំ២០២៤ រួចហើយរូបគេនៅមិនទាន់មកប្រទេសកម្ពុជាវិញនៅឡើយទេ រហូតមានអ្នកគាំទ្រមួយចំនួនមានចម្ងល់ថារូបគេរស់នៅទីនោះ ឬយ៉ាងណា។

ចាន់តាក់ និងដៃគូ

ឆ្លើយតបហ្នឹងចម្ងល់នេះដែរកីឡាករ ធន់ ចាន់តាក់ បានឲ្យដឹងថា រូបគេមិនរស់នៅឯប្រទេសអូស្ត្រាលីរហូតនោះទេ ពោលគ្រាន់តែនៅរង់ចាំឡើងប្រកួតឲ្យបាន ១ប្រកួតទៀតប៉ុណ្ណោះ មុនវិលត្រឡប់មកប្រទេសកម្ពុជាវិញ។ សោយសារតែទិដ្ឋាការ (Visa) អាចនៅទីនោះបានរហូតដល់ ៣ខែ និងមានមិត្តភ័ក្ដិស្គាល់ផង មាន Promoter ផងទើបរូបនេះបន្តនៅទីនោះមកដល់ពេលនេះ។

ចាន់តាក់ ពេលប្រកួតនៅអូស្ត្រាលី

ធន់ ចាន់តាក់ បន្ថែមទៀតថា ឥលូវនេះរង់ចាំ Promoter ចាប់គូឲ្យបានឡើងប្រកួតទៀត មុនវិញទៅកម្ពុជាវិញអំឡុងខែសីហា ឆ្នាំ២០២៤ ខាងមុខនេះ។ កូនសិស្សលោក ធន់ សុភា រូបនេះថ្លែងអំណរគុណដល់អ្នកគាំទ្រដែលបានផ្ញើសារមកលេង និងសួរនាំអំពីការរស់នៅអូស្ត្រាលីនេះ។ រូបគេក៏នឹករលឹកប្រទេសកម្ពុជាដែរ ពិសេសលោកគ្រូ ធន់ សុភា ដែលតែងតែខលមកលើកទឹកចិត្ត រួមទាំងមិត្តរួមក្លឹប អ្នកគាំទ្រទាំងអស់។

ចាន់តាក់ និង ឌីណា

បញ្ជាក់ដែរថា កីឡាករ ធន់ ចាន់តាក់ និង យ៉េន ឌីណា បានទៅប្រកួតនៅឯប្រទេសអូស្ត្រាលី អំឡុងពាក់កណ្ដាលខែឧសភា ឆ្នាំ២០២៤។ ដោយឡែកកីឡាករ យ៉េន ឌីណា បន្ទាប់ពីប្រកួតរួចក៏បានវិលត្រលប់មកកម្ពុជាវិញហើយ។ ចំពោះការប្រកួតនៅថ្ងៃទី១៧ ខែឧសភា ២០២៤ នោះគឺ ធន់ ចាន់តាក់ ចាញ់ពិន្ទុក្នុងការប្រកួតដណ្ដើមខ្សែក្រវាត់៕