ជួបគ្នាលើកដំបូង Minnie ធ្វើឲ្យរៀមច្បង Kim Jaejoong ដាច់ផ្ងារ ក្រោយបង្ហើប ២ រឿង

2024-07-12 03:07:18
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១១ ខែកក្កដា នៃកម្មវិធី YouTube របស់តារាចម្រៀង Kim Jaejoong ដែលមានឈ្មោះថា Jaefriends បានអញ្ជើញ Minnie សមាជិកក្រុម (G)I-DLE មកជជែកលេង និងចែករំលែករឿងរ៉ាវជាច្រើន អំពីការងាររបស់ (G)I-DLE ក៏ដូចជាអាល់ប៊ុមចុងក្រោយរបស់ក្រុម ហើយ Jaejoong ក៏បានឆ្លៀតពេល ដើម្បីស្វែងយល់អំពី Minnie នូវជីវិតក្រៅសិល្បៈផងដែរ។ដែលធ្វើឲ្យភ្ញាក់ផ្អើលជាបន្តបន្ទាប់។

១. គ្រួសារ

នៅពេលដែល Jaejoong សួរថា "តើអ្នកមានផ្ទះនៅប្រទេសថៃទេ?" Minnie ឆ្លើយថា "ទេ! ខ្ញុំរស់នៅជាមួយឪពុកម្តាយរបស់ខ្ញុំ"។ បន្ទាប់មកក្រុមការងារ បានបង្ហាញរូបថតផ្ទះរបស់ Minnie ដែលទទួលបានការចាប់អារម្មណ៍យ៉ាងខ្លាំង ដោយសារវាប្រណិតពេក។ សូម្បី Jaejoong ដែលជាម្ចាស់កម្មវិធីផ្ទាល់ ភ្ញាក់ផ្អើលជាខ្លាំងនៅពេលដែលឃើញផ្ទះរបស់ Minnie មានកន្លែងហាត់ប្រាណ និងអាងហែលទឹកដ៏ធំទូលាយ។ ទោះជាយ៉ាងណា ដោយឃើញរូបថតអាងទឹក Minnie បានពន្យល់ថា "អាងទឹកមិនមែនមកពីផ្ទះខ្ញុំទេ ហ្នឹងគឺជាសណ្ឋាគារទេតើ"។

ឮបែបនេះ Jaejoong ភ្ញាក់ផ្អើលម្តងទៀត រហូតដល់លេចដឹងថា តាមពិតជា Resort របស់ជីដូនជីតារបស់ Minnie ដែលស្ថិតនៅ Kanchanaburi ប្រទេសថៃ។

ទោះជាយ៉ាងណា ទាក់ទងនឹងទ្រព្យសម្បត្តិរបស់ Minnie ត្រូវបានលាតត្រដាងកាលពីយូរណាស់មកហើយ។ យោងតាម TMI News របស់ Mnet បានឲ្យដឹងថា ឪពុករបស់នាង ធ្វើការជាមន្ត្រីជាន់ខ្ពស់នៅធនាគារ Siam Commercial Bank ហើយឥឡូវនេះជាប្រធាន អង្គការ YMCA ប្រចាំនៅបាងកក។ ម្តាយមីងរបស់នាងឈ្មោះ Pawongduen “Sugar” Yontararak ដែលជាចៅស្រីដ៏របស់ស្តេចចុងក្រោយនៃ Lanna ដែលជានគរមួយនៅភាគខាងជើងប្រទេសថៃ។

២. មិត្តភាពជាមួយ LISA

ពេលនិយាយដល់មិត្តភាពរបស់នាងជាមួយនឹង Lisa (BLACKPINK) សមាជិក (G)I-DLE រូបនេះក៏បានលើកឡើងនូវរឿងរ៉ាវមួយចំនួនឲ្យបានដឹងផងដែរ។

នាងបានបង្ហាញបន្ដោងសោរតុក្កតា Cry Baby ពណ៌បៃតង ដែលមនុស្សម្នាក់បានឲ្យនាងជាកាដូ។ នាងចង់បានវាជាយូរមកហើយ ប៉ុន្តែមិនអាចរកទិញបានទេ ព្រោះវាតែងតែលក់ដាច់ពេក។

«ខ្ញុំបានទទួលនេះជាកាដូមួយ ដែលកំពុងពេញនិយមនៅប្រទេសថៃ។ វាជារបស់កម្រខ្លាំង! ដូច្នេះខ្ញុំពិតជាចង់បានវាខ្លាំងដូចគ្នា ប៉ុន្តែវាលក់ដាច់ឥតឈប់ឈរ»។

ពេលឮថាមិត្តខ្លួនចង់បានដូច្នេះ Lisa មិនគិតច្រើនទេ ដោយចាត់ចែងរកវា មកឱ្យ Minnieដោយនាងជោគជ័យ។

តាមពិតទៅ នាងទិញវា ដល់ទៅ ប្រាំមួយ សំខាន់តម្លៃទិញបន្ត ពិតមិនដូចតម្លៃទិញផ្ទាល់ទេ ពោលគឺ ថ្លៃកប់ពពក ប៉ុន្តែបញ្ហានេះពុំមែនជាឧបសគ្គសម្រាប់ Lisa ឡើយ ទោះបីជា Minnie ប្រាប់ថា «កុំទិញ!» ព្រោះខ្លាចមិត្តអស់លុយច្រើន ប៉ុន្តែនៅតែមិនអាចឃាត់ Lisa បាន៕