Mbappe បង្ហាញខ្លួនជាផ្លូវការជាកីឡាកររបស់ Real Madrid
- 2024-07-16 12:05:20
- ចំនួនមតិ 0 | ចំនួនចែករំលែក 0
Mbappe បង្ហាញខ្លួនជាផ្លូវការជាកីឡាកររបស់ Real Madrid
ចន្លោះមិនឃើញ
ខ្សែប្រយុទ្ធ Kylian Mbappe បានធ្វើការបង្ហាញខ្លួនជាផ្លូវការជាកីឡាករពេញសិទ្ធិរបស់ក្លឹប Real Madrid នៅក្នុងថ្ងៃនេះ។
Mbappe បានចុះកុងត្រាជាមួយក្លឹបអធិរាជស Real Madrid ដោយគិតចាប់ពីថ្ងៃទី០១ ខែមិថុនា ឆ្នាំ២០២៤ រហូតទៅដល់ថ្ងៃទី៣០ ខែមិថុនា ឆ្នាំ២០២៩។
Real Madrid ត្រូវបានគេដឹងថា ជាក្លឹបដែលកីឡាករសញ្ជាតិបារាំងរូបនេះចង់មកលេងឲ្យរហូតមកតាំងពីកុមារវ័យ។
នៅក្នុងការថ្លែងសន្ទរកថានៅក្នុងថ្ងៃនេះ Mbappe ក៏បានសម្ដែងនូវការសប្បាយចិត្ត និងបង្ហាញអារម្មណ៍ខិតខំយ៉ាងម៉ត់មាំក្នុងការជួយក្លឹបក្នុងក្ដីស្រមៃរបស់គេនេះឲ្យកាន់តែរីកចម្រើនទៅមុខទៀត។
Real Madrid បានធ្វើការផ្ដល់ឲ្យ Mbappe នូវប្រាក់ពលកម្មក្នុងមួយឆ្នាំរហូតទៅដល់ ១៥លានអ៊ឺរ៉ូ ជាមួយនឹងប្រាក់ឧបត្ថម្ភមកក្លឹបនេះ (Sign On Bonus) រហូតទៅដល់ ១៥០លានអ៊ឺរ៉ូ ហើយគេអាចយកកម្រៃពីសិទ្ធិលក់រូបភាពរបស់គេពេញសិទ្ធិ។
កីឡាករនេះសុខចិត្តផ្លាស់ពីក្លឹប PSG មកកាន់ Real Madrid នេះទោះបីជាក្លឹបនេះបានផ្ដល់កម្រៃតិចជាងក៏ដោយ ព្រោះតែក្លឹបនេះជាក្ដីស្រមៃរបស់គេរហូតមក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
