អតីត​ខ្សែ​បម្រើ​របស់​ក្រុម​អធិរាជ​ស​ Real Madrid ​បាន​ជួយ​ឲ្យ​កូឡុំប៊ី​ទទួល​បាន​ជើងឯក​រង​នៃ​ព្រឹត្តិការណ៍ Copa América 2024 នៅ USA ដែល​បាន​បញ្ចប់​ទៅ​កាល​ពី​ពេល​ថ្មី​ៗ​នេះ​បន្ទាប់​ពី​ចាញ់ អាហ្សង់ទីន នៅ​វគ្គ​ផ្ចាច់​ព្រ័ត្រ​​ ១-០ នា​ម៉ោង​បន្ថែម ១៥​នាទី​ពីរ​ដង​។

​បន្ទាប់​​ពី​បញ្ចប់​ព្រឹត្តិការណ៍​គេ​បាន​បូកសរុប​តួលេខ​អ្ន​ក​ដែល​​បញ្ជូន​បាល់​ឲ្យ​មិត្ត​រួម​ក្រុម​ ( Assist ) បាន​ច្រើន​ជាង​គេ​ប្រចាំ​ព្រឹត្តិការណ៍ James Rodríguez នៅ​តែ​ធ្វើ​បាន​ល្អ​ពោល​គឺ​​ Assist បាន​បាន​ច្រើន​ជាង​គេ​ចំនួន ៦​លើក​។ ខណៈ​អ្នក​បន្ទាប់​​ Assist បាន​២​គ្រាប់​មាន​ដល់​ទៅ​៤​នាក់​គឺ N De La Cruz របស់​អ៊ុយរុយហ្គាយ , E Fernandez របស់​អាហ្សង់ទីន, A Macallister របស់​អាហ្សង់ទីន និង J Aramburu របស់​ វេណេហ្ស៊ុយអេឡា ។

​បច្ចុប្បន្ន​នេះ James Rodríguez មាន​វ័យ​៣៣​ឆ្នាំ​ទៅ​ហើយ ខណៈ​គេ​កំពុង​តែ​ប្រកប​អាជីព​បាល់ទាត់​នៅ​​ក្លឹបSão Paulo ​ប្រទេស​ប្រេស៊ីល។ បើ​និយាយ​ពី​ជម្រើស​ជាតិ​កូឡុំប៊ី​វិញ​គេ​ចូលលេង​សរុប​បាន​ចំនួន ១០៦ ប្រកួត​ និង​រក​បាន​ ២៨​គ្រាប់​ផង​ដែរ៕ ​​​​​​​​​