តារាសម្ដែងល្បីឈ្មោះប្រចាំហូលីវូដ Brad Pitt បង្ហាញការសោកស្ដាយ និងតក់ស្លុតយ៉ាងខ្លាំងចំពោះដំណឹងដ៏អាក្រក់ដែលគ្រោះថ្នាក់បានកើតឡើងចំពោះកូនប្រុសលោក គឺ Pax Jolie-Pitt ហើយអ្វីដែលកាន់តែធ្វើឱ្យចិត្តរបស់ Brad Pitt ខ្ទិចខ្ទាំជាចំណែកទៀតនោះគឺក្នុងនាមជាឪពុកទាំងមូល តែលោកមិនអាចឈានជើងមើលកូនប្រុសរបស់លោកបាន។

បើទោះជាទំនាក់ទំនងឪពុកនិងកូននៅតែឃ្លាតឆ្ងាយពីគ្នា លែងមានភាពកក់ក្ដៅ ស្និទ្ធស្នាលក្រោយ Brad Pitt បានលែងលះជាមួយ Angelina ក៏ដោយ ក្ដីបារម្ភឪពុកចំពោះកូនតែងតែមានជានិច្ច ពោល Brad Pitt មានការតក់ស្លុត និងព្រួយបារម្ភ Pax ជាខ្លាំង។

ទន្ទឹមនឹងការព្រួយបារម្ភចំពោះកូនប្រុស Brad Pitt ក៏ខកចិត្តខ្លាំងដែរ ព្រោះកូនជួបគ្រោះថ្នាក់ទាំងមូល ក្នុងនាមជាឪពុកមិនអាចទៅមើលកូនប្រុសបាន។ ក្នុងនាមជាឪពុកមិនអាចធ្វើអ្វីបាន ព្រោះគ្រប់យ៉ាងលែងល្អដូចមុន ចាប់តាំងមានរឿងក្ដីក្ដាំងជាមួយអតីតភរិយា និងធ្លាប់កើតមានអំពើហិង្សារក្នុងគ្រួសារ ទំនាក់ទំនងឪពុកកូនក៏ប្រែល្អក់កកទៅតាមនោះដែរ។

រម្លឹកផងដែរថា Pax មានវ័យ២១ឆ្នាំ ត្រូវបានបញ្ជូនទៅមន្ទីរពេទ្យភ្លាមៗ ដោយរបួសក្បាលយ៉ាងធ្ងន់ធ្ងរកាលពីថ្ងៃទី២៩ ខែកក្កដា បន្ទាប់ពីជួបគ្រោះថ្នាក់ពេលកំពុងជិះកង់អគ្គិសនី ដោយមិនបានពាក់មួកសុវត្តិភាព នៅម៉ោងប្រហែល ៥ ល្ងាច នៅតាមផ្លូវប្រសព្វមួយក្នុងទីក្រុង Los Angeles ៕

ប្រភព៖ Yahoo   អត្ថបទ៖ កេសរ