ក្រុមនារីប្រេស៊ីល ទម្លាក់ម្ចាស់ជើងឯក World Cup 2023 នារីអេស្ប៉ាញ ឡើងទៅវគ្គផ្ដាច់ព្រ័ត្រនៅអូឡាំពិក

2024-08-07 00:41:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់នារីប្រេស៊ីលពិតជាធ្វើបានល្អមែនទែនទម្លាក់ក្រុមខ្លាំងដែលជាម្ចាស់ជើងឯក World Cup 2023 នារីក្រុមជម្រើសជាតិអេស្ប៉ាញ ៤-២កាលពីយប់មិញនេះដើម្បីឡើងទៅកាន់វគ្គផ្ដាច់ព្រ័ត្រក្នុងព្រឹត្តិការណ៍អូឡាំពិកនាទីក្រុងប៉ារីសប្រទេសបារាំង។

ក្រុមដែលគេតែងមើលឃើញពីចង្វាក់លេងបែបខ្លី ទីគីតាកា ដ៏ស្ទាត់ជំនាញក្រុមនារីអេស្ប៉ាញ ចប់ក្រោមថ្វីជើងប្រេស៊ីល ដោយលទ្ធផលសឹងមិនគួរឲ្យជឿ ព្រោះថា ប្រេស៊ីល តាំងពីលេងវគ្គដំបូងមកហាក់មិនសូវបង្ហាញថាខ្លាំងដល់កម្រិតនេះទេ ពោលគេមានការចាញ់ជប៉ុនអីជាដើម។ មកដល់វគ្គ៨ក្រុមគេបានបង្ហាញឲ្យឃើញថាខ្លាំងមែនទែន ទម្លាក់បារាំង មកដល់វគ្គ៤ក្រុមពួកគេទម្លាក់ក្រុមអតីតម្ចាស់ជើងឯក World Cup បានទៀត។

៤គ្រាប់នោះប្រេស៊ីលគេនាំមុខ២-០នៅវគ្គ១ និងបង្កើនគ្រាប់បាល់នាំមុខ៣-០មុនពេលកីឡាការិនីអេស្ប៉ាញតាមបាន៣-១ដោយបាល់ធ្វើឲ្យចូលទីខ្លួនឯងដោយខ្សែការពារប្រេស៊ីល Duda Sampaio នាទីទី៨៥។ ក្រោយមកប្រេស៊ីលបន្ថែមគ្រាប់បាល់៤-១ ដោយ Kerolin នៅនាទី៩០+១ ហើយអេស្ប៉ាញតាមបាន៤-២នៅនាទីទី៩០+១២ដោយកីឡាការិនីអេស្ប៉ាញ Salma ។

លទ្ធផល៤-២ធ្វើឲ្យប្រេស៊ីលទៅប៉ះក្រុមខ្លាំង នារី USA នៅវគ្គផ្ដាច់ព្រ័ត្រដើម្បីដណ្ដើមមេដាយមាសថ្ងៃទី១០ ខែសីហា ឆ្នាំ២០២៤ វេលាម៉ោង១០យប់ ស្របពេលដែលអេស្ប៉ាញទៅប៉ះក្រុមនារីអាល្លឺម៉ង់ដណ្ដើមមេដាយសំរឹទ្ធថ្ងៃទី៩ ខែសីហា ឆ្នាំ២០២៤ វេលាម៉ោង១០យប់ដូចគ្នា៕

Daro Ly