អីយ៉ា!ឃើញមិនទិញៗពេលនេះគ្រូថ្មី Liverpool បង្ហាញមុខសញ្ញាមកញាក់ដែរហ្នឹង

2024-08-08 04:49:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីផ្សារដោះដូរកីឡាករកំពុងតែដំណើរខណៈក្រុម Liverpool ក្រោមការដឹកនាំថ្មីលោក Arne Slot មិនទាន់ឃើញចុះកុងត្រាយកអ្នកណាម្នាក់ឡើយមករួមក្រុម ប៉ុន្តែពេលនេះបានបង្ហាញមុខសញ្ញាម្នាក់ហើយគឺ Martin Zubimendi ជាខ្សែបម្រើឆ្នើមរបស់ក្រុម Real Sociedad ។

Martin Zubimendi ជាកម្លាំងម្នាក់ដែលបានជួយអេស្ប៉ាញលើកពាន EURO 2024 កាលពីពេលថ្មីៗនេះ។ បច្ចុប្បន្នគេមានវ័យ២៥ឆ្នាំ ដោយបានរួមរស់ជាមួយ Real Sociedad កាលពីឆ្នាំ២០១១ បើគិតពីតម្លៃទិញផ្ដាច់កុងត្រាវិញ Liverpool អាចនឹងចំណាយប្រមាណជា ៦០លានអឺរ៉ូ។

រដូវកាលមុនខ្សែបម្រើរូបនេះគេបានជួយឲ្យ Real Sociedad បញ្ចប់នៅលេខរៀងទី៦ ក្នុងតារាង La Liga និងរកបាន៤គ្រាប់ក្នុងចំណោមការបង្ហាញខ្លួន៣១លើកក្នុងនាមជាខ្សែបម្រើ។ គេក៏បានជួយឲ្យក្រុមរបស់ខ្លួនឡើងដល់វគ្គ១៦ក្រុមចុងក្រោយក្នុងពានរង្វាន់ UEFA Champions League ផងដែរនិងបានធ្លាក់ក្រោមថ្វីជើង PSG ។

កីឡាករវ័យ២៥ឆ្នាំកំពុងត្រូវបានគេរំពឹងថា នឹងក្លាយជាកីឡាករដែល Liverpool ចុះកុងត្រាយកមកកាន់ Anfield ទី១ក្រោមការដឹកនាំរបស់លោក Arne Slot ដែលជំនួសតំណែងលោក Jurgen Klopp ៕

ប្រភព៖ BBC Daro Ly