ស្ថានភាពរបួសបាក់ក្ដោងច្រមុះរបស់ ផល សុភ័ណ្ឌ យ៉ាងណាហើយ និងត្រូវសម្រាកប៉ុន្មានខែ...

2024-08-13 05:48:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿងសោកស្ដាយជាខ្លាំងចំពោះកីឡាករគុនខ្មែរ ផល សុភ័ណ្ឌ បន្ទាប់ពីចាញ់កីឡាករ Oskar Siegert និងមានរបួសបាក់ក្ដោងច្រមុះនៅទឹកទី២ កាលពីថ្ងៃទី១០ ខែសីហា ឆ្នាំ២០២៤ នៅស្ថានីយទូរទស្សន៍ TOWN របូតខ្សែក្រវាត់ IPCC។

សុភ័ណ្ឌ និងដៃគូ

គិតមកដល់ត្រឹមថ្ងៃទី១៣ ខែសីហា ឆ្នាំ២០២៤ នេះកីឡាករ ផល សុភ័ណ្ឌ ឲ្យដឹងថា បានវះកាត់ និងធូរស្រាលគ្រាន់បើហើយ ប៉ុន្តែនៅឈឺត្រង់មុខរបួសបន្តិច។ របួសបាក់ក្ដោងច្រមុះនេះត្រូវសម្រាកយ៉ាងហោចរយៈពេលខ្ទង់ ៣-៤ខែទើបអាចវិលចូលសង្វៀនប្រដាល់វិញបាន។ ចំពោះថ្លៃព្យាបាលរបួសបាក់ក្ដោងច្រមុះនេះ សុភ័ណ្ធ បង្ហើបថាខាងស្ថានីយជួយចេញពាក់កណ្ដាលផងដែរ។

កីឡាករ Oskar Siegert

បញ្ជាក់ដែរថា អ្នកលេងគុនខ្មែរ ផល សុភ័ណ្ឌ ជាកីឡាករមកពីក្លឹបប្រដាល់តាឡីដំរីមានរិទ្ធិ និងជាកីឡាករចាស់វស្សាក្នុងវិស័យកីឡាមួយនេះផងដែរ។ អ្នកលេងគុនខ្មែររូបនេះមានរបួសបាក់ក្ដោងច្រមុះក្នុងទឹកទី២ អំឡុងការប្រកួតការពារខ្សែក្រវាត់ IPCC កាលពីថ្ងៃទី១០ ខែសីហា ឆ្នាំ២០២៤ ជាមួយជើងខ្លាំងជនជាតិប៉ូឡូញ Oskar Siegert៕