មេដាយទាំង២៤ គ្រឿងដែលឈ្នះនៅឥណ្ឌា ក្រុមតេក្វាន់ដូ ITF កម្ពុជានាំយកមកដល់មាតុភូមិហើយ

2024-08-26 07:15:06
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដាយជើងឯកអាស៊ី លើកទី១០ ដែលធ្វើនៅឯប្រទេសឥណ្ឌា ក្រុមតេក្វាន់ដូ ITF កម្ពុជាបាននាំយកមកដល់មាតុភូមិហើយកាលពីព្រឹកមិញនេះបន្ទាប់ពីបិទបញ្ចប់ការប្រកួតជាផ្លូវការកាលពីថ្ងៃទី២៥ ខែកញ្ញា ឆ្នាំ២០២៤ កន្លងទៅ។

ឯកឧត្ដម កែវ រ៉េមី ពេលមកដល់ព្រឹកមិញ

ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF បានឲ្យដឹងកាលពីព្រឹកមិញនេះថា ការប្រកួតជើងឯកអាស៊ីនៅប្រទេសឥណ្ឌាលើកនេះជាការប្រកួតមួយដែលល្អជាងលើកណាៗទាំងអស់សម្រាប់កីឡាករ កីឡាការិនីរបស់កម្ពុជា។ ចាញ់វគ្គផ្ដាច់ព្រ័ត្រទទួលបានមេដាយប្រាក់ច្រើននៅលើកនេះជាការបង្ហាញពីសមត្ថភាពរីកចម្រើនរបស់ក្រុមកម្ពុជា ដោយឆ្លងផុតមេដាយសំរឹទ្ធ និងឈានដល់វគ្គផ្ដាច់ព្រ័ត្រកាន់តែច្រើន។ ការប្រកួតមុនៗបើទោះធ្លាប់ឈ្នះមេដាយពិភពលោក និងកម្រិតផ្សេងៗទៀតយ៉ាងណាក្ដី ប៉ុន្តែកម្ពុជាមិនសូវមានអ្នកឡើងទៅដល់វគ្គផ្ដាច់ព្រ័ត្រច្រើន ឬទទួលបានមេដាយប្រាក់ច្រើនដូចលើកនេះឡើយ។

ទិដ្ឋភាពព្រឹកមិញ

ប្រធានសហព័ន្ធខាងលើបន្ថែមទៀតថា ដូចការរំពឹងទុកលើវិញ្ញាសាបច្ចេកទេស(ក្រុម)គឺទទួលបានមេដាយមាស និងវិញ្ញាសាមេគុនឯកត្តជន ឬក្រុម ក្ដីគឺកម្ពុជាប្រកួតបានល្អ និងឡើងទៅប្រកួតវគ្គផ្ដាច់ព្រ័ត្រជាបន្តបន្ទាប់ដែលផងដែរ។ តាមរយៈជ័យជម្នះ និងជាប់ចំណាត់ថ្នាក់លេខ៣ ក្នុងចំណោមប្រទេសឈ្នះមេដាយច្រើនជាងគេនេះពិតជាធ្វើឲ្យឯកឧត្ដមមានចិត្តរំភើប និងមោទកភាពជាខ្លាំងចំពោះកីឡាករ កីឡាការិនីតេក្វាន់ដូ ITF កម្ពុជា។

ទិដ្ឋភាពព្រឹកមិញ

បញ្ជាក់ដែរថា ក្រុមតេក្វាន់ដូ ITF ជម្រើសជាតិកម្ពុជា ដែលចូលរួមក្នុងព្រឹត្តិការណ៍ជើងឯកអាស៊ី លើកទី១០ នៅប្រទេសឥណ្ឌា កាលពីថ្ងៃទី១៩ ដល់ ២៥ ខែកញ្ញា ឆ្នាំ២០២៤ នេះកម្ពុជាឈ្នះមេដាយសរុប ២៤គ្រឿង មេដាយមាស៣ ប្រាក់៧ សំរឹទ្ធ១៤។ ព្រឹកមិញមិញនេះប្រតិភូ ដឹកនាំដោយឯកឧត្ដម កែវ រ៉េមី និងគ្រូបង្វឹក កីឡាករ កីឡាការិនីកម្ពុជាបានមកដល់មាតុភូមិវិញហើយ៕