Son Heung Min ៖ ខ្ញុំចង់ឈ្នះពានជាមួយ Spurs បន្ទាប់មកខ្ញុំនឹងក្លាយជាវីរបុរសនៅទីនេះ

2024-08-28 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

«ខ្ញុំចង់ឈ្នះពានជាមួយ Spurs បន្ទាប់មកខ្ញុំនឹងក្លាយជាវីរបុរសនៅទីនេះ» ។ នេះជាការលើកឡើងកីឡាករ Son Heung Minខ្សែប្រយុទ្ធរបស់កូរ៉េខាងត្បូង និងរបស់ក្រុម Tottenham Hotspur ក្នុងបទសម្ភាសន៍មួយជាមួយ BBC ។

Son Heung Min បានទាត់ចូលចំនួន ២គ្រាប់រួចមកហើយឲ្យក្រុម Spurs ក្នុងជំនួបទល់ Everton ដែលឈ្នះ ៤-០ នោះក្នុងការប្រកួតសប្ដាហ៍ទី២នៃ English Premier League ។ ក្រឡេកទៅមើលកាលពីរដូវកាលមុនវិញ Son Heung Min ក៏រកបានមិនតិចគ្រាប់នោះដែរពោលគឺ១៧គ្រាប់តាមពីក្រោយ Mohamed Salah របស់ Liverpool ១គ្រាប់ក្នុងបញ្ជីអ្នកទាត់ចូលទីរបស់ English Premier League ។

គិតចាប់ពីឆ្នាំ២០១៥ ដែលផ្ទេរពី Leverkuson មកកាន់ Spurs ខ្សែប្រយុទ្ធ Son មិនទាន់ស្គាល់ជាតិឈ្នះពានជាមួយក្រុមដែលមានមូលដ្ឋាននៅអង់គ្លេសមួយនេះឡើយ ដ្បិតអីគេរកបានគ្រាប់បាល់គ្រប់រដូវកាលឲ្យ Spurs ដោយគិតមកដល់ពេលនេះគេរកបានរហូតដល់ទៅ១២២គ្រាប់ទៅហើយ។ កុងត្រារបស់ Son ជាមួយ Spurs មានសុពលភាពរហូតដល់ឆ្នាំ២០២៥ ៕

ប្រភព៖ BBC Daro Ly