កម្ពុជា នឹងធ្វើពិធីបើកកីឡាជាតិ លើកទី៤ ជាផ្លូវការនៅល្ងាចថ្ងៃទី៣០ តុលា ឆ្នាំ២០២៤

2024-10-30 05:31:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកីឡាជាតិ លើកទី៤ ដែលជាព្រឹត្តិការណ៍ធំប្រចាំកម្ពុជា នឹងធ្វើពិធីបើកការប្រកួតជាផ្លូវការហើយនៅល្ងាចថ្ងៃទី៣០ ខែតុលា ឆ្នាំ២០២៤ នេះនៅក្នុងទីលានបាល់ទាត់ នៃពហុកីឡដ្ឋានជាតិ ក្រោមអធិបតីភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

រូបភាពអគ្គនាយដ្ឋានកីឡា

ក្រោមពីភាគីពាក់ព័ន្ធមានក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ រួមទាំងរាជធានី-ខេត្តទូទាំងប្រទេសបានចំណាយពេលត្រៀមខ្លួនជាច្រើនខែមកនេះឥលូវឈានដល់ថ្ងៃបើកការប្រកួតជាផ្លូវការហើយ។

ពិធីបើកនៅល្ងាចនេះគឺនឹងមានភាពកក្រឹកកក្រេងជាខ្លាំង ព្រោះមានជាការសម្ដែងពិសេសៗជាច្រើនផងដែរដូចជាការសម្ដែងក្បាច់គុនបុរាណពីផ្នែកនាយទាហាន ការសម្ដែងរបាំសិល្បៈបុរាណនានា និងការសម្ដែងផ្នែកសិល្បៈសម័យពិសេសវត្តមានរបស់តារារ៉េប វណ្ដដា ផងដែរ។

រូបភាព Olympic Cambodia

ងាកមកចាប់អារម្មណ៍ចំពោះប្រភេទកីឡាមួយចំនួនក៏បានចាប់ផ្ដើមប្រកួតជាបណ្ដើរៗផងដែរមុនឈានដល់ការធ្វើពិធីបើកជាផ្លូវការនេះ។ ការប្រកួតកីឡាជាតិឆ្នាំ២០២៤ នេះមាន ៣៦ប្រភេទកីឡាផ្សេងគ្នា និងមានការចូលរួមពី ២៥ រាជធានី-ខេត្ត។ ក្នុងនោះគឺប្រើប្រាស់ទីតាំងធំៗចំនួន ៥ ទី១ ភ្នំពេញ ទី២ ខេត្តព្រះសីហនុ ទី៣ ខេត្តកែប ទី៤ ខេត្តស្វាយរៀង និងទី៥ ខេត្តកំពង់ឆ្នាំង។

រូបភាព Olympic Cambodia

រង់ចាំទស្សនាការផ្សាយផ្ទាល់ពិធីបើកជាផ្លូវការនៅល្ងាចថ្ងៃទី៣០ ខែតុលា ឆ្នាំ២០២៤ អមដោយទស្សនីយភាពប្លែកអារម្មណ៍ និងដំណើរព្យុហយាត្រារបស់ប្រតិភូ គ្រូបង្វឹក កីឡាករ កីឡាការិនី ដែលនឹងចូលរួមក្នុងព្រឹត្តិការណ៍កីឡាជាតិលើកទី៤ នេះ៕

អត្ថបទ៖ នួន ស៊ីណា