ក្នុងវ័យ៣៧ឆ្នាំ Pedro រកបានគ្រាប់ទី៣នៅ Europa ខណៈគ្រាប់ទី១តាំងពី១៥ឆ្នាំមុន
- 2024-11-08 01:22:00
- ចំនួនមតិ 0 | ចំនួនចែករំលែក 0
ក្នុងវ័យ៣៧ឆ្នាំ Pedro រកបានគ្រាប់ទី៣នៅ Europa ខណៈគ្រាប់ទី១តាំងពី១៥ឆ្នាំមុន
ចន្លោះមិនឃើញ
Pedro អតីតកីឡាកររបស់ Barcelona និង Chelsea គិតមកដល់ពេលនេះគេមានវ័យ៣៧ឆ្នាំទៅហើយ និងកំពុងប្រកបអាជីពនៅ Lazio លីគកំពូលអ៊ីតាលី រឿងដែលគួរឲ្យសរសើរក្នុងវ័យ៣៧ឆ្នាំ គេនៅតែអាចមានកៅអីលេង ថែមទាំងជាលីគនៅតំបន់អឺរ៉ុប និងបានក្លាយជាកីឡាករលេចធ្លោម្នាក់ក្នុងក្រុមដែលជួយ Lazio យកឈ្នះ Porto ២-១ ក្នុងការប្រកួត UEFA Europa League កាលពីយប់មិញថែមទៀតផង។
ស្ថិតក្នុងវ័យ៣៧ឆ្នាំ គេរកគ្រាប់បាល់បាន៣គ្រាប់ និង Assist ១គ្រាប់គត់ក្នុងពានរង្វាន់ Europa League ខណៈដែលគ្រាប់បាល់ក្នុងពានរង្វាន់នេះដំបូងរបស់គេរកបានកាលពីថ្ងៃទី២៨ខែកញ្ញា ឆ្នាំ២០០៩ បើគិតមកដល់ពេលនេះមានរយៈពេលជាង១៥ឆ្នាំមកហើយ។
Prdro បានផ្ទេរមកកាន់ Lazio នេះកាលឆ្នាំ២០២១ បើគិតមកពេលនេះគេលេងឲ្យក្រុមអ៊ីតាលី មួយនេះបាន១០៨ប្រកួតហើយ និងរកបាន១៧គ្រាប់ក្នុងនាមជាខ្សែបម្រើ ហើយគ្រាប់បាល់ដែលគេរកបានដើម្បីជួយក្រុមរបស់ខ្លួនយកឈ្នះ Porto២-១ នោះគឺរកបាននៅនាទី៩០+២ទៅហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
