Hansi Flick ៖ VAR និង អាជ្ញាកណ្ដាលបង្កើតកំហុសដ៏តែអាជ្ញាកណ្ដាលបែរជា...

2024-11-11 01:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការប្រកួតរវាងក្រុមម្ចាស់ផ្ទះ Real Sociedad និងក្រុម Barcelona បានបញ្ចប់ទៅដោយក្រុមម្ចាស់ផ្ទះយកឈ្នះ១-០ សម្រាប់ការប្រកួតក្នុងក្របខណ្ឌ La Liga សប្ដាហ៍ទី១៣។

ក្នុងការប្រកួតបានបញ្ចប់ទៅដោយភាពមិនពេញចិត្តរឿងអាជ្ញាកណ្ដាលកាត់ក្ដីលើទីលានពិសេសត្រង់ចំណុចដែលពិនិត្យ VAR គ្រាប់បាល់របស់ Robert Lewandowski នាទីទី១៣។ ត្រង់ចំណុចនេះលោក Hansi Flick អ្នកចាត់ការរបស់ Barca បានធ្វើការដាក់បន្ទុកទៅអាជ្ញាកណ្ដាល និង VAR បានបង្កើតកំហុសដ៏ធំមួយដែលនាំឲ្យក្រុមរបស់លោកចាញ់ការប្រកួត។

ក្រោយពីស្ដាប់ឭអ្នកចាត់ការរបស់ក្រុមអ្នកមានបុណ្យនិយាយបែបនេះអាជ្ញាកណ្ដាលមិនបានឆ្លើយតបអ្វីឡើយ ដោយគ្រាន់តែសើចរួចក៏ដើរចេញទៅ។ អ្នកចាត់ដដែលបានបន្ថែមថា ការប្រកួតនេះពិតជាចាញ់លោកទទួលស្គាល់ និងទទួលយកលទ្ធផល។

«ពេលចាប់ផ្ដើមការប្រកួតយើងលេងបានយ៉ាងល្អ និងរកគ្រាប់បាល់បាន ប៉ុន្តែត្រូវបានអាជ្ញាកណ្ដាលចាប់ថាជាបាល់ Offside ទៅវិញ។ ខ្ញុំបានប្រាប់ទៅកាន់អាជ្ញាកណ្ដាលថាវាការសម្រេចចិត្តមិនត្រឹមត្រូវ និងអាក្រក់បំផុត។ ជើងដែល VAR គិតថា Offside នោះមិនមែនជារបស់ Robert Lewandowski ទេ ប៉ុន្តែអាជ្ញាកណ្ដាលសម្រេចថា Offside ។ បាទយើងទទួលយក» ។ នេះជាការបន្ថែមរបស់លោក Hansi Flick ៕