អ្នក​ចាត់​ការ​បណ្ដោះ​អាសន្ន​របស់​ក្រុម​បិសាច​ក្រហម Manchester United លោក Ruud van Nistelrooy ​បាន​និយាយ​ថា Bruno Fernandes ​បាន​ត្រឡប់​មកវិញ​ហើយ​ ការ​លើក​ឡើង​​នេះ​បន្ទាប់​ពី​​ខ្សែ​បម្រើ​រូប​នេះ​រួម​ចំណែក​យ៉ាង​ធំ​ក្នុង​ការ​ជួយ​ក្រុមយក​ឈ្នះទៅ​លើ​ Leicester City ៣-០​ កាល​ពី​យប់​មិញ​នេះ​​ក្នុង​កា​រ​ប្រកួត​ English Premier League ។

អតីត​ខ្សែ​ប្រយុទ្ធ​របស់​បិសាច​ក្រហម​ដដែល​បាន​​សង្កត់​ធ្ងន់​ថា «​​សមត្ថភាព​របស់​គាត់​ (Bruno) នៅ​ពេល​នេះ​បាន​ត្រឡប់​មកវិញ​​ហើយ គាត់​បាន​ជួយ​ក្រុម​ច្រើន​ណាស់​ ទាំង​​ Assist និង​​រក​គ្រាប់​ឲ្យ​ក្រុម​។ គាត់​​បង្កើត​ឱកាស​ឲ្យ​យើង​ច្រើន​»។

Bruno បាន​មក​កាន់​បិសាច​ក្រហម​កាល​ឆ្នាំ ២០២០ ​គេ​បាន​រួម​ចំណែក​ក្នុង​ការ​រក​គ្រាប់​ឲ្យ​ Manchester Unites ១០០​គ្រាប់​ហើយ​ក្នុង​ការ​បង្ហាញ​ខ្លួន​​សរុប​១៧០​​ប្រកួត​ក្នុង​ក្របខណ្ឌ English Premier League។ ​​បច្ចុប្បន្ន​នេះ​គេ​ស្ថិត​នៅ​លេខ​រៀង​ទី​​២​បន្ទាប់​ពី Mo Salah ដែល​បាន​រួម​ចំណែក​រក​គ្រាប់​ឲ្យ​ Liverpool បាន​​​រហូត​ដល់​ទៅ​១៩៨​គ្រាប់ ក្នុង​នាម​ជា​កីឡាករ​ដែល​សកម្ម​ក្នុង​ជួយ​ក្រុម​រក​គ្រាប់​៕ ​