មេឃ​ខៀវ​ Manchester City បាន​ធ្វើ​ការ​នាំ​យក​ខ្សែ​បម្រើ​មក​ពី​ក្លិប Porto ​​គឺ​កីឡាករ​ Nico Gonzalez ក្នុង​តម្លៃ​​៦០​លាន​អឺរ៉ូ ជាមួយ​កិច្ច​សន្យា​៤​ឆ្នាំ​កន្លះ​។

Nico ជា​កីឡាករ​ទី​៤​សម្រាប់ Manchester City ក្នុង​ការ​នាំ​ចូល​នា​​ខែ​មករា​ នេះ​។ ​​ក្នុង​​កា​រមក​កាន់​មេឃ​ខៀវ ​ខ្សែ​បម្រើ​អន្តរជាតិ​អេស្ប៉ាញ​ខាង​លើ​​បាន​​និយាយ​ថា វា​ជា​ឱកាស​ដ៏​ពិសេស​សម្រាប់​គេ​ក្នុង​ការ​បង្ហាញ​សមត្ថភាព​នៅ​លើ​ទឹក​ដី​អង់គ្លេស​។ បច្ចុប្បន្ន​នេះ​គេ​មាន​វ័យ២៣​ឆ្នាំ​ហើយ ហើយ​គេ​ក៏​ចង់​តេស្ត​សមត្ថភាព​របស់​គេ​នៅ​ក្នុង​លីគ​ដែល​​មាន​កម្រិត​ប្រកួត​ប្រជែង​ដ៏​ខ្លាំង​បំផុត​មួយ​ក្នុង​លោក​។ សម្រាប់​គេ​គ្មាន​​ក្លិប​ណា​ដែល​ពិសេស​​ជា​ង​ Manchester City ទេ​​ណា​ពេល​បច្ចុប្បន្ន​ ដើម្បី​ឲ្យ​គេ​បាន​​បង្ហាញ​សមត្ថភាព​របស់​ខ្លួន​។

គិត​មក​ដល់​ពេល​នេះ​ Man City បាន​ធ្វើ​​ការ​នាំ​ចូល​​បាន​ចំនួន​៤​រូប​ហើយ​ក្នុង​ទីផ្សារ​ដោះដូរ​នា​ខែ​មករា នេះ​ក្នុង​នោះ​គឺ​ខ្សែ​ប្រយុទ្ធ​កណ្ដាល Omar Marmoush ​យក​មក​ពី Frankfurt, ​ខ្សែ​បម្រើ​ Nico González យក​មក​ពី Portto, ​ខ្សែ​ការពារ​ Abdukodir Khusanov យក​មក​ពី Lens និង​យុវជន​វ័យ​១៩​ឆ្នាំ​ Vitor Reis យក​មក​ពី Palmeiras ៕

​