ប្រទេសថៃកំពុងពង្រីកយុទ្ធសាស្ត្រ "Soft Power" របស់ខ្លួនតាមរយៈខ្សែភាពយន្ត ដោយរួមបញ្ចូលការច្នៃប្រឌិត និងបច្ចេកវិទ្យាជាមួយនឹងទ្រព្យសម្បត្តិវប្បធម៌របស់ប្រទេសដែលខ្លួនមាន។ វិធីសាស្រ្តនេះមានគោលបំណងក្នុងការជំរុញតម្លៃនៃផលិតផល និងសេវាកម្មជាតិរបស់ប្រទេសថៃនៅលើឆាកអន្តរជាតិ។ យោងតាមរដ្ឋមន្ត្រីក្រសួងវប្បធម៌ Sudawan Wangsuphakijkosol ឧស្សាហកម្មភាពយន្តគឺជាចំណុចសំខាន់ក្នុងការសម្រេចបាននូវចក្ខុវិស័យនេះ ដោយក្រសួងវប្បធម៌បានធ្វើការសហការយ៉ាងជិតស្និទ្ធជាមួយនាយកដ្ឋានផ្សព្វផ្សាយវប្បធម៌ និងអនុគណៈកម្មាធិការសម្រាប់ការជំរុញឧស្សាហកម្មភាពយន្តដើម្បីលើកកំពស់ទម្រង់អន្តរជាតិរបស់ភាពយន្តថៃ។ តាមរយៈការសង្កត់ធ្ងន់ជាយុទ្ធសាស្ត្រលើខ្សែភាពយន្តនេះ​ ប្រទេសថៃមានគោលបំណងពង្រឹងការបោះជំហានវប្បធម៌របស់ខ្លួន និងបង្កើនឥទ្ធិពលជាសាកលរបស់ខ្លួន។

ភាពយន្តថៃទទួលបានការចាប់អារម្មណ៍យ៉ាងខ្លាំងក្នុងឆ្នាំ 2024 នៅមហោស្រពភាពយន្តពិភពលោកធំៗ រួមទាំងមហោស្រពភាពយន្តNew York Asian មហោស្រពភាពយន្ត Locarno នៅប្រទេសស្វីស មហោស្រពភាពយន្តអន្តរជាតិទីក្រុង Venice ក្នុងប្រទេសអ៊ីតាលី និងមហោស្រពភាពយន្តអន្តរជាតិតូរ៉ុនតូ នៅប្រទេសកាណាដា។ នៅក្នុងខែតុលា ភាពយន្តថៃចំនួនពីររឿង—How to Make Millions before Grandma Dies និងRegretfully At Dawn ត្រូវបានរៀបចំឡើងនៅឯមហោស្រពភាពយន្តអន្តរជាតិ Busan របស់ប្រទេសកូរ៉េខាងត្បូង ដោយកម្មវិធី Regretfully At Dawn ត្រូវបានជ្រើសរើសជាភាពយន្តបើកសម្ពោធ ដែលបញ្ជាក់ពីភាពរីកចម្រើនរបស់ប្រទេសថៃនៅក្នុងវិស័យភាពយន្តអន្តរជាតិ។

អត្ថបទ៖ Tan Dalya