M Pictures Cambodia បានសហការជាមួយរោងភាពយន្ត​ Major Cineplex Cambodia អញ្ជើញតារាសម្តែងប្រុសស្រី ៥ដួង ក្នុងខ្សែភាពយន្ដ រឿង "ប្រមាញ់ព្រាយ ២" មកកាន់ប្រទេសកម្ពុជា ដើម្បីបង្កើនភាពស្និទស្នាល និង​អគុណទស្សនិកជនដែលបានគាំទ្រ។

អ្នកគាំទ្រយ៉ាងច្រើនបាននាំគ្នាទៅស្វាគមន៍តារាថៃទាំង ៥ដួង នៅច្រកចេញ នៃអាកាសយានដ្ឋានអន្តរជាតិភ្នំពេញ។ គ្រប់គ្នាបានបង្ហាញអារម្មណ៍រំភើបរីករាយការដែលបានជួបផ្ទាល់ជាមួយតួអង្គសម្តែងទាំង ៥ដួង និងបានមកទស្សនារឿង "ប្រមាញ់ព្រាយ២" កាលពីថ្ងៃទី០៨​ ខែវិច្ឆិកា ឆ្នាំ២០២៤ នៅរោងភាពយន្ត Major Cineplex By Smart សាខាផ្សារទំនើបអ៊ីអនម៉លភ្នំពេញ និងសាខាអ៊ីអនម៉ល សែនសុខ។

ក្នុងដំណើរមកកម្ពុជាលើកនេះ តារាថៃទាំង ៥ដួង ក៏បានឈប់ថតរូបជុំគ្នាយ៉ាងសប្បាយរីករាយនៅរង្វង់មូលវិមានឯករាជ្យ ជាមួយស្នាមញញឹមប្រិមប្រិយ។ រូបភាពសប្បាយៗទាំងនេះ បង្កើតជាអនុស្សាវរីយ៍ដ៏ល្អសម្រាប់ជំនួបលើកដំបូងរវាងតួអង្គទាំង ៥ដួង ក្នុងរឿង Çប្រមាញ់ព្រាយ២È ជាមួយអ្នកគាំទ្រកម្ពុជា។

"Çប្រមាញ់ព្រាយ២È" ជាខ្សែភាពយន្ដ​ថ្មីមួយបង្ហាញ​ឲ្យ​ឃើញពីដើមកំណើតរបស់ព្រាយឈុតខ្មៅ និងមូលហេតុស្លាប់របស់វា និងមូលហេតុដែលវិញ្ញាណរបស់វានៅវិលវល់រហូតមកដល់បច្ចុប្បន្ន។ យក្ស ដែលជាកូនប្រុសច្បងក្នុងគ្រួសារបានសុំ ​ឪពុក​ម្ដាយ​ទៅ​​តាម​ប្រមាញ់​ព្រាយ​នេះ ដើម្បី​កុំ​ឲ្យ​វា​ធ្វើ​បាប​អ្នក​ដទៃបានទៀត។

ក្រោមការនាំមកនូវភាពយន្តភ័យរន្ធត់ទម្រង់បច្ចេកវិទ្យាអេក្រង់យក្ស IMAX មកចែកជូនទស្សនិកជន M Picture Cambodia សង្ឃឹមថា ផលិតករក្នុងស្រុកអាចសិក្សាឈ្វេងយល់បន្ថែមពីការផលិតរឿងបែបរន្ធត់ សម្រាប់ចាក់ក្នុងសាល IMAX មកអភិវឌ្ឍន៍ការផលិតរឿងក្នុងស្រុកបាន ព្រោះរឿងដែលចាក់ក្នុង IMAX បានទាល់តែរឿងនោះមានគុណភាពស្តង់ដារភាពយន្ត និងបច្ចេកវិទ្យាខ្ពស់។

ចាំកាលទៀត! ទៅទស្សនារឿងនេះឱ្យបានច្រើនកុះករ ដែលពេលនេះរឿង «ប្រមាញ់ព្រាយ២» ឬ «Death Whisperer2» ជាភាពយន្តដ៏ព្រឺព្រួយដ៏មានភាពល្បីល្បាញកំពុងតែចាក់បញ្ចាំងនៅគ្រប់រោងភាពយន្តទំនើបក្នុងប្រទេសកម្ពុជា៕