ខ្សែភាពយន្ដ រឿង"ប្រវត្ដិស្នេហ៍នាងនាថ" ដែលចាយទុនខ្ទង់លានដុល្លារ ដើម្បីសម្រិតសម្រាំងផលិតយកគុណភាពលំដាប់អន្ដរជាតិដ៏ធំមួយរបស់ផលិតកម្ម អិល ឌី សម្រេចដាក់ឲ្យមហាជនអាចទស្សនាបាននៅលើ APP ANGKOR DC ចាប់ពីថ្ងៃទី២១ ខែវិច្ឆិកា ឆ្នាំ២០២៤ តទៅហើយ។

បើតាមបញ្ជាក់របស់អ្នកគ្រប់គ្រងផលិតកម្ម អិល ឌី តាមរយៈ Sabay នៅថ្ងៃទី១៩ ខែវិច្ឆិកា នេះ វគ្គ១ នៃរឿង"ប្រវត្ដិស្នេហ៍នាងនាថ" ឬវគ្គយុវវ័យក្រោយសម័យអង្គរ នឹងត្រូវឡើងលើAPP មុនគេ ហើយវគ្គក្រោយៗនឹងឡើងជាបន្ដបន្ទាប់ ខណៈដែលវគ្គ៣ នៃខ្សែភាពយន្ដដ៏ធំមួយនេះនៅតែមានសន្ទុះគាំទ្រខ្លាំងនៅតាមរោងភាពយន្ដ។

ខ្សែភាពយន្ដ រឿង"ប្រវត្ដិស្នេហ៍នាងនាថ" ត្រូវបានផលិតឡើងជា ៣វគ្គ ហើយវគ្គទាំង ៣ បានសម្ពោធចាក់បញ្ចាំងនៅតាមរោងភាពយន្ដជាបន្ដបន្ទាប់គ្នាកាលពីពេលថ្មីៗ។ ដើម្បីផ្ដល់ភាពកាន់តែងាយស្រួល និងបន្ដភាពរីករាយជាមួយខ្សែភាពយន្ដដ៏ពេញនិយមនេះសម្រាប់ប្រិយមិត្ដដែលនិយមតាមដានទស្សនាខ្សែភាពយន្ដខ្មែរល្អៗមើល៍ ផលិតកម្ម អិល ឌី សម្រេចឡើងរឿងនេះនៅលើAPP ភ្លាមៗតែម្ដងដែលខុសពីរឿងមុនត្រូវចាក់បញ្ចាំងតាមរោងកុនយូរ ទើបដាក់ឲ្យបងប្អូនអាចទស្សនាបានតាម APP។

តាមរយៈ APP ANGKOR DC ដែលសមិទ្ធិផលមួយរបស់ផលិតកម្ម អិល ឌី សម្បូរទៅដោយខ្សែភាពយន្ដជាតិ-អន្ដរជាតិល្អៗមើល៍។ ឥឡូវនេះ ខ្សែភាពយន្ដខ្នាតធំ រឿង"ប្រវត្ដិស្នេហ៍នាងនាថ" ដែលប្រិយមិត្ដខ្លះទស្សនានៅក្នុងរោងកុនមិនទាន់អស់ចិត្ដនោះ នឹងអាចចូលទស្សនាបាននៅលើ APP ដោយសេរី គ្រប់ទីកន្លែង និងនៅពេលណាក៏បាន។

គ្រាន់តែមានទូរសព្ទដៃស្មាតហ្វូន ភ្ជាប់ជាមួយ APP ANGKOR DC ប្រិយមិត្ដងាយនឹងទទួលបានទស្សនារឿងថ្មីៗមុនគេ។ ត្រៀមដៃចុចទស្សនារឿង"ប្រវត្ដិស្នេហ៍នាងនាថ"វគ្គ១ ចាប់ពីថ្ងៃទី២១ ខែវិច្ឆិកា តទៅ ហើយចំពោះ ២វគ្គផ្សេងទៀតក៏នឹងត្រូវឡើងលើAPP ជាបន្ដបន្ទាប់គ្នាដែរ។ នេះបើតាមការបញ្ជាក់របស់ថ្នាក់ដឹកនាំផលិតកម្ម អិល ឌី៕