ព្រឹត្តិការណ៍តន្ត្រីអេឡិចត្រូនិច ដ៏អស្ចារ្យមួយដែលមិនធ្លាប់មានពីមុនមកនៅ ទីក្រុង ភ្នំពេញ។ នៅថ្ងៃទី 11 មករា ឆ្នាំ 2025 ក្រុម DJ ដ៏ល្បីលើពិភពលោក Stanton Warriors នឹងចូលរួមសម្ដែងផ្ទាល់ក្នុងតន្ត្រី Stanton Sessions នៅ Chew & Bash, កោះពេជ្រ។ ប្រសិនបើអ្នកស្រឡាញ់តន្ត្រីបែប Heavy bass beat និងការចាក់ភ្លេងពី DJ ល្បីៗ នេះជាយប់មួយដែលអ្នកមិនគួររំលងនោះទេ។

តើ ក្រុម Stanton Warriors ជានរណា?

Stanton Warriors គឺជាក្រុម DJ មកពីប្រទេស អង់គ្លេស ដែលមានឈ្មោះល្បីលើពិភពលោកដោយសារស្ទីលតន្ត្រីអេឡិចត្រូនិចដ៏ប្លែកៗរបស់ពួកគេ ដែលរួមបញ្ចូលជាមួយតន្ត្រីបែប Breakbeats, House, និង Bass ផងដែរ។ តន្ត្រីរបស់ពួកគេគឺជាប្រភេទបែប កំសាន្ត សប្បាយ និងសាកសមសម្រាប់ការអ្នកចូលចិត្តរាំជាពិសេស! Stanton Warriors មានឈ្មោះល្បីតាំងពីឆ្នាំ 2001 មកម្លេះ! អាល់ប៊ុមចម្រៀងមួយដែលត្រូវបានគេស្គាល់ពីក្រុម DJ នេះគឺ “The Stanton Sessions”។ ចាប់តាំងពីពេលនោះមក ពួកគេបានសម្ដែងនៅក្នុងព្រឹត្តិការណ៍តន្ត្រីល្បីៗ និងកម្មវិធីធំៗជាច្រើនលើពិភពលោក មានដូចជា Coachella, Glastonbury, Burning Man, និង Ultra Music Festival។

ពួកគេក៏បានសហការជាមួយតារាចម្រៀងធំៗដូចជា Daft Punk, Fatboy Slim, MIA, និង Gorillaz។ ស្នាដៃចម្រៀងរបស់ពួកគេតែងតែមានភាពច្នៃប្រឌិត និង ផ្តល់នូវអារម្មណ៍រំភើបទៅដល់ ទស្សនិកជន។ មិនត្រឹមតែប៉ុណ្ណោះ ពួកគេក៏បានជះឥទ្ធិពលលើវិស័យ DJ និងផលិតករជាច្រើននាពេលសពថ្ងៃនេះ។

តើនឹងមានអ្វីកើតឡើងក្នុងកម្មវិធី The Stanton Sessions ?

Stanton Warriors នឹងជាតារាឆ្នើមនៅក្នុងកម្មវិធី ហើយក៏មានការចូលរួមពីសំណាក់ ក្រុមតន្ត្រីដ៏ល្បីមួយទៀតមកពីប្រទេស អង់គ្លេសដូចគ្នាដែរ នោះគឺ Mungo’s Hi Fi ដែលនាំមកនូវចម្រៀងបែប Reggae, Ska, និង Dubstep ផងដែរ។

កម្មវិធីនេះក៏នឹងមានការសម្តែងពីក្រុមតន្ត្រី និង DJ កំពូលៗនៃ ព្រះរាជាណាចក្រកម្ពុជារួមជាមួយការទស្សនាសិល្បៈគំនូរ GRAFFITI និង Show ក្បាច់រាំ Fire Dance និង Breakdancing។

កម្មវិធី ដ៏អស្ចារ្យនេះនឹងក្លាយជាដំណើរពេលវេលាដ៏សប្បាយសម្រាប់អ្នកស្រឡាញ់តន្ត្រីនៅកម្ពុជា និងអ្នកមកពីបណ្ដាប្រទេសផ្សេងៗ ក្នុងការកម្មវិធីដែលមានរយៈពេល 12 ម៉ោងជាមួយទេសភាពមាត់ទន្លេដ៏ស្រស់ស្អាត។

កាល បរិច្ឆេទ និង ទីតាំង កម្មវិធី

• ថ្ងៃទី 11 ខែមករា ឆ្នាំ 2025
• ម៉ោង: 4 ល្ងាច រហូត 4 ព្រឹក
• ទីកន្លែង: Chew & Bash, កោះពេជ្រ, ភ្នំពេញ

ប្រសិនបើអ្នកជាចូលចិត្ត តន្ត្រីអេឡិចត្រូនិច ឬចង់បានបទពិសោធថ្មីដ៏បែបថ្មី មិនគួរខកខានឱកាសឃើញ Stanton Warriors សម្តែងផ្ទាល់នៅភ្នំពេញនេះឡើយ។ សូមរងចាំព័ត៌មានលម្អិតបន្ថែមអំពីសំបុត្រ កម្មវិធីនេះ។

ក្រុមហ៊ុន Sabay មានកិត្តិយសក្នុងការធ្វើជាដៃគូជាមួយអ្នករៀបចំដើម្បីជួយជំរុញកម្មវិធីដ៏អស្ចារ្យមួយនេះ។