Honda រៀបចំការប្រកួតបាល់ទាត់មិនធ្លាប់មាន៤ទល់៤នៅកម្ពុជា

2025-01-06 07:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់សម្រាប់កុមារនៅកម្ពុជា ៤នាក់ទល់៤នាក់ របស់អតីតអ្នកចាត់ការរបស់កម្ពុជាលោក Keisuke Honda នឹងរៀបចំឡើងនៅថ្ងៃទី១៩ ខែមករា ឆ្នាំ២០២៥ នៅក្នុងវិទ្យាល័យព្រះស៊ីសុវត្ថិចាប់ពីម៉ោង ៧:០០ ព្រឹកដល់ម៉ោង៤រសៀល។ ព្រឹត្តិការណ៍នេះកំពុងតែមានការគាំទ្រខ្លាំង ថែមទាំងកំពុងទទួលបានប្រជាប្រិយភាពខ្ពស់ ព្រមទាំងទទួលបានការសាទរយ៉ាងខ្លាំងនៅលើទឹកដីជប៉ុន។ ការប្រកួតបាល់ទាត់នេះក៏មានការផ្សាយផ្ទាល់តាមរយៈ PEAK Sports ផងដែរ។

ព្រឹត្តិការណ៍នេះទទួលបានភាពជោគជ័យតាមរយៈការចូលរួមពីកុមារជាង២ម៉ឺននាក់នៅជប៉ុន ហើយមកដល់ពេលនេះគេសង្ឃឹមថាកម្ពុជា នឹងទទួលបានការចែករំលែកបទពិសោធពីតារាបាល់ទាត់ល្បីកម្រិតអន្តរជាតិ។ អ្វីដែលកាន់តែពិសេសនោះការចូលរួមការប្រកួតព្រឹត្តិការណ៍នេះក្រុមដែលឈ្នះ នឹងទទួលបានឱកាសទៅចូលរួមការប្រកួតជើងឯកពានរង្វាន់ ៤ទល់៤ តំណាងឲ្យកម្ពុជាទៅចូលរួមការប្រកួត ASIA Cup នៅប្រទេសជប៉ុននាខែសីហា ឆ្នាំ២០២៥ ខាងមុខនេះ។

ការទៅចូលរួមតំណាងឲ្យកម្ពុជាទៅប្រកួតពានរង្វាន់ ៤ ទល់ ៤ នេះដែរទទួលបានការអញ្ជើញពីសំណាក់អតីតតារាបាល់ទាត់កម្រិតពិភពលោកគឺលោក Keisuke Honda ដោយផ្ទាល់។ លើសពីនេះទៅទៀតកុមារដែលបានទៅចូលរួមលេងពាន ASIA Cup តំណាងឲ្យកម្ពុជានេះដែរ ក៏អាចមានឱកាសជួបកំពូលតារាបាល់ទាត់ល្បីៗជាច្រើនក្នុងពិភពលោកផងដែរ។

ឥឡូវនេះ លោកអ្នកអាចចុះឈ្មោះចូលរួមប្រកួតកម្មវិធី 4v4 Cambodia សម្រាប់កុមារអាយុក្រោម១០ឆ្នាំ តាមរយៈ QR Code ខាងក្រោម។ សូមអានលក្ខខណ្ឌ ដែលបានភ្ជាប់ជូន ឬទំនាក់ទំនងលេខទូរស័ព្ទ 0766666865 សម្រាប់ព័ត៌មានបន្ថែម៕