តំណាងអង្គការ HFCA៖ បើទោះជាមានការលំបាក និងចំណាយច្រើនលើការបញ្ជូនកីឡាការិនីវ័យក្មេងទៅប្រកួតនៅថៃក្ដី ប៉ុន្តែការផ្ដល់ឱកាសបទពិសោធជារឿងសំខាន់
- 2025-01-17 00:43:23
- ចំនួនមតិ 0 | ចំនួនចែករំលែក 0
តំណាងអង្គការ HFCA៖ បើទោះជាមានការលំបាក និងចំណាយច្រើនលើការបញ្ជូនកីឡាការិនីវ័យក្មេងទៅប្រកួតនៅថៃក្ដី ប៉ុន្តែការផ្ដល់ឱកាសបទពិសោធជារឿងសំខាន់
ចន្លោះមិនឃើញ
ព្រឹកថ្ងៃទី១៦ ខែមករា ឆ្នាំ២០២៥ តំណាងអង្គការ HFCA ថាគម្រោង នៃការបញ្ជូនកីឡាការិនីវ័យក្មេងទាំង ១២រូបទៅប្រកួតពានរង្វាន់ Bangkok Soccer League នៅឯប្រទេសថៃ ខាងមុខនេះបើទោះជាលំបាក និងត្រូវចំណាយថវិកាច្រើនយ៉ាងណាក្ដីក៏ត្រូវបញ្ជូនដែរ ព្រោះជាការផ្ដល់ឱកាសស្វែងយល់ និងទទួលបានបទពិសោធក្នុងជីវិត។
លោក Paraic Grogan ស្ថាបនិកអង្គការកម្ពុជាអូស្ត្រាលីបាល់ទាត់រីករាយ (Happy Football Cambodia Australia) ថ្លែងក្នុងសន្និសីទសារព័ត៌មានថា HFCA នឹងបញ្ជូនកីឡាការិនីវ័យក្មេងចំនួន ១២រូប និងគ្រូៗមួយចំនួនទៀតដើម្បីទៅចូលរួមការប្រកួតបាល់ទាត់ពានរង្វាន់ Bangkok Soccer League នៅប្រទេសថៃ។
ការបញ្ជូនកីឡាការិនីវ័យក្មេងទាំងនោះគឺពិតជាមានសារសំខាន់ណាស់បើទោះជាមានការលំបាកលើការមើលថែ និងការចំណាយច្រើនយ៉ាងណាក្ដី។ ពួកគេនឹងទទួលបាននូវបទពិសោធថ្មីលើការប្រកួតបាល់ទាត់ ពិសេសលើកឆាកអន្តរជាតិដែលមានចម្រុះជាតិសាសន៍បែបនេះ។ ការចេញទៅក្រៅប្រទេសមួយលើកមនុស្សម្នាក់ៗនឹងទទួលបានបទពិសោធថ្មី១ដងសម្រាប់ខ្លួន ដូច្នេះកីឡាការិនីឆ្នើមដែលត្រូវបានបញ្ជូនទៅនេះក៏នឹងទទួលបានចំណេះដឹងទាំងនេះដូចគ្នា។
ការប្រកួតនេះជាការរួមចំណែករបស់ HFCA លើកស្ទួយវិស័យកីឡាបាល់ទាត់នៅកម្ពុជា ពិសេសលើកទឹកចិត្តកីឡាការិនីខ្មែរដែលមកពីបណ្ដាខេត្តនានា ដូចជាសៀមរាបនេះឲ្យមានឱកាសបានប្រកួតប្រជែង បញ្ចេញសមត្ថភាព និងការឆ្ពោះទៅសម្រេចក្ដីស្រមៃលើវិថីបាល់ទាត់នៅថ្ងៃអនាគត។
បញ្ជាក់ដែរថា អង្គការ HFCA និងអង្គការ CCF(អង្គការមូលនិធិកុមារកម្ពុជា) នៅព្រឹកថ្ងៃទី១៦ ខែមករា ឆ្នាំ២០២៥ នេះបានធ្វើសន្និសីទសារព័ត៌មានប្រកាសបញ្ជូនកីឡាការិនីឆ្នើម ១២រូបទៅចូលរួមការប្រកួតបាល់ទាត់ពានរង្វាន់ BSL 7 (Bangkok Soccer League)នៅប្រទេសថៃ។ កីឡាការិនីទាំង១២រូបនេះត្រូវបានជ្រើសរើសពីអង្គការដៃគូចំនួនពីរគឺអង្គការ CCF (អង្គការមូលនិធិកុមារកម្ពុជា) ដែលមានមូលដ្ឋាននៅរាជធានីភ្នំពេញ និងអង្គការ BFT (Build your Future Today) ដែលមានមូលដ្ឋាននៅខេត្តសៀមរាប។ ការប្រកួតនេះនឹងធ្វើឡើងនៅថ្ងៃទី២៥-២៦ ខែមករា ឆ្នាំ២០២៥ ដោយមានក្រុមម្ចាស់ផ្ទះថៃ សិង្ហបុរី ហ្វីលីពីន ម៉ាឡេស៊ី វៀតណាម កម្ពុជា។ ក្រុមកម្ពុជាគឺប្រកួតលើប្រភេទអាយុក្រោម ១៦ឆ្នាំ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
