Honda ប្រហើរមួយឃ្លានេះឆក់យកបេះដូងអ្នកគាំទ្របាល់ទាត់កម្ពុជាមិនស្ទើរទេ

2025-01-20 04:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការរបស់ក្រុមគោព្រៃកម្ពុជាលោក Keisuke Honda បានមកដល់ទឹកដីកម្ពុជាជាថ្មី ដើម្បីរៀបចំការប្រកួតបាល់ទាត់ 4 V 4 ដែលជាការរៀបចំលើកដំបូងនៅកម្ពុជា ខណៈដែលការរៀបចំលើកទី១នេះធ្វើឡើងនៅវិទ្យាល័យស៊ីសុវត្ថិមានក្រុមចូលរួមប្រមាណជា៣២ កាលពីថ្ងៃទី១៩ ខែមករា ឆ្នាំ២០២៥ ។

ក្នុងឱកាសរៀបចំការប្រកួតអតីតអ្នកចាត់ការក្រុមគោព្រៃកម្ពុជាខាងលើបានលើកឡើងថា លោកមិនដែលភ្លេចទេ ពីក្ដីស្រមៃរបស់លោក ក្នុងការចង់ឃើញកម្ពុជាបានទៅលេងក្នុងព្រឹត្តិការណ៍ World Cup ។ លោកបានគូសបញ្ជាក់យ៉ាងដូច្នេះថា «'ពួកគេនឹងក្លាយជាកីឡាករជម្រើសជាតិកម្ពុជានាពេលអនាគត ហើយពួកគេនឹងធ្វើឱ្យអ្នករីករាយ ដូច្នេះសូមបន្តគាំទ្រពួកគេ ហើយខ្ញុំសង្ឃឹមថាក្រុមជម្រើសជាតិកម្ពុជានឹងកាន់តែខ្លាំងជាងមុន និងអាចលេង នាពេលនាអនាគត វាគឺជាសុបិន្តរបស់ខ្ញុំ»។

ពានរង្វាន់ 4 V4 ដើម្បីបណ្ដុះថ្នាលយុវជនទៅថ្ងៃអនាគត ហើយក៏ដើម្បី ហុង ដា ក៏សប្បាយចិត្តខ្លាំងដែរ ដែលបានត្រឡប់មកកាន់ទឹកដីកម្ពុជាម្ដងទៀត ។ សម្រាប់ក្រុមឈ្នះជើងឯក នឹងបានទៅជប៉ុនទៅជាមួយ ហុង ដា ហើយអ្នកដែលចាញ់ក៏កុំទាន់អស់សង្ឃឹម ព្រោះនេះទើបតែជាការចាប់ផ្ដើមប៉ុណ្ណោះ។ លោកសង្ឃឹមថា យុវជនទាំងអស់នឹងបំពេញក្ដីស្រមៃរបស់ខ្លួនទៅថ្ងៃអនាគត ហើយបើគ្រប់គ្នាមិនបោះបង់ក៏នឹងអាចក្លាយជាកីឡាករជម្រើសជាតិផងដែរនាថ្ងៃអនាគត។ នេះជាការបន្ថែមរបស់លោក Honda ។