លោក Nuno Espirito Santo គ្រូ​របស់​ក្រុម Nottingham Forest មើល​ឃើញ​ថា ក្រុមរបស់​លោក​មិនអាច​ត្រឡប់​ទៅ​ប្រើ​ទម្រង់​ចាស់​​ការពារ​៥​នាក់​រួច​​វាយ​​បក​លឿន​ៗ​បានទេ ព្រោះ​តែ​ Arsenal គ្មាន​​ខ្សែ​ប្រយុទ្ធ​ឡើយ​។

ការ​លើក​ឡើង​នេះ​ក្រោយ​ក្រុម​តាំង​ពីរ​បញ្ចប់​ទៅ​ក្នុង​លទ្ធផល​០-០ នៃ​ការ​ប្រកួត English Premier League សប្ដាហ៍​ទី​​​២៨​។ គេ​ដឹង​ថា ​ខ្សែ​ប្រយុទ្ធ​របស់​ក្រុម​ភ្ញៀវ Arsenal យប់មិញ​នេះ​របួស​​ទាំង​អស់​ហើយ​គឺ​មាន Gabriel Jesus, K Havertz, B Saka និង Gabriel Martinelli ជា​ដើម​ ខណៈ​ខ្សែ​ប្រយុទ្ធ​ដែល​ប្រើ​មាន Mikel Merino និង L Trossard ។

ក្រុម Nottingham Forest ឆ្នាំ​នេះ​ជា​ក្រុម​ចូល​ចិត្ត​លេង​តែ ការពារ​វាយ​បក​ប៉ុណ្ណោះ​ពិសេស​នៅ​ពេល​ប៉ះ​ក្រុម​ខ្លាំង​ៗ​ ជាក់​ស្ដែង​ពេលប៉ះ Brighton ពួក​គេ​ប្រើ​ការពារ​កណ្ដាល​៣​ និង​ការពារ​​ស្លាប​ពីរ​សរុប​ទៅ​ការពារ​ ៥ នាក់​ហើយ​​ការពារ​ស្លាប​ទាំង​ពីរ​​ឡើង​វាយ​បក​ក៏​លឿន ចុះ​ការពារ​ក៏​លឿន​។ តែ​ពេល​ប៉ះ Arsenal ពួក​គេ​មិនអាច​លេង​បែប​នេះ​ទេ​លេង​ការពារ​៤​នាក់​បម្រើ​៤​នាក់ និង​ប្រយុទ្ធ​២​ធម្មតា ព្រោះ​តែ​ Arsenal លេង​មិនសូវ​ហ៊ាន​សម្រុក​ទេ​គិត​តែ​ការពារ​ដូច​គ្នា​៕ ​

​