មួយឃ្លាស្ទើរក្អួតឈាម ចំរើន គុនខ្មែរ សួរទៅកាន់លោក Tommy Kim

2025-03-25 01:36:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Tommy Kim ទីប្រឹក្សារបស់សង្វៀន ថោន បានដឹកនាំកីឡាករចេញទៅប្រកួតនៅ អូស្ត្រាលី បានទម្លាយប្រាប់អ្នកសារព័ត៌មានក្រោយពេលលោកមកដល់ទឹកដីកម្ពុជាវិញថា លោកពិតជាមានចិត្តអាណិតដល់ ចំរើន គុនខ្មែរ មែនទែន កំពុងតែប្រកួតហើយឈាមស្រក់ពេញមុខសោះ ឆ្លៀតមកសួរលោកថា មានបងប្អូនខំមិនជេរដែរឬទេ។

ចំរើន គុនខ្មែរ និងកីឡាករកម្ពុជា សាន់ គុនខ្មែរ បានប្រកួតចាញ់នៅទឹកដីអូស្រ្តាលី ហើយបានត្រឡប់មកដល់ទឹកដីកម្ពុជាវិញកាលពីថ្ងៃទី២៤ ខែមីនា ឆ្នាំ២០២៥ បន្ទាប់ពីមកដល់លោក Tommy Kim បានទម្លាយថា «... អាពេលកំពុងប្រកួតលើសង្វៀនហ្នឹងហើយគាត់ ( ចំរើន ) កំពុងតែបែកលើចិញ្ចើមពេលគេវាយត្រូវហ្នឹង ខ្ញុំឡើងទៅជួយឲ្យទឹកគាត់ពេលចប់ទឹកហ្នឹង គាត់ងាកមកសួរខ្ញុំថា បងមានគេជេរអត់។ ពាក្យសម្ដីនេះខ្ញុំឭហើយសែនខ្លោចចិត្តម៉ង អាណិតកីឡាករ...»។

មែនទែនទៅ ចំរើន គុនខ្មែរ ក៏ធ្លាប់ត្រូវបានបងប្អូនអ្នកតាមគុនខ្មែរជេររួចមកហើយ បន្ទាប់បីវាយចាញ់ ឬធ្វើមិនបានល្អ ហើយកន្លងមកភរិយារបស់គេធ្លាប់បានបង្ហោះថា «ចុះពីសង្វៀនវិញមិនទាន់ទេសួរថា មានគេជេរអត់» ។ ជាកីឡាករភាគច្រើនគឺគេចមិនផុតពីចំណុចនេះទេ តែងតែជួបការជេរ ទោះវាយឈ្នះក៏គេមានអ្នកគាំទ្រមួយក្ដាប់តូចជេរដែរ ហើយបញ្ហានេះក៏តែងតែជួបជានិច្ចកាល។