Eromito សណ្ឋាគារបែបបុរាណដ៏គួរឲ្យចាប់អារម្មណ៍

2014-11-29 17:45:31
ចំនួនមតិ 0 | ចំនួនចែករំលែក 0

ចន្លោះមិនឃើញ

សណ្ឋាគារ Eromito គឺជាសណ្ឋាគារស្តង់ដារបែបបុរាណមួយ ស្ថិតនៅឃុំ Parrano ខេត្ត Terni ប្រទេសអ៊ីតាលី។ សណ្ឋាគារនេះត្រូវបានចាត់ទុកជាកន្លែងដ៏ពិសេសមួយសម្រាប់ភ្ញៀវទេសចរដែលចូលចិត្តភាពស្ងប់ស្ងាត់ និងបរិយាកាសប្លែកតាមលក្ខណៈធម្មជាតិ រួមនឹងសំណង់បែបបុរាណ ដោយនៅទីនោះមិនមាន ទូទឹកកក ទូរទស្សន៍ ទូរសព្ទ ឬម៉ាស៊ីនត្រជាក់អ្វីឡើយ គឺមានម៉ាស៊ីនកម្ដៅសម្រាប់រដូវរងា។

សម្ភារប្រើប្រាស់ភាគច្រើនរួមទាំងកម្រាលគេង និងស្រោមខ្នើយសុទ្ធជារបស់ធ្វើដោយដៃ ហើយទីកន្លែងដែលមានសម្ភារៈទំនើបគឺមានតែបន្ទប់ទឹកតែមួយគត់។ ភ្លើងអគ្គិសនីមាននៅកន្លែងមួយចំនួនតែប៉ុណ្ណោះ ហើយនៅពេលយប់បន្ទប់គេងរបស់ភ្ញៀវនឹងត្រូវបំភ្លឺដោយពន្លឺភ្លើងទៀន។

សម្រាប់ម្ហូបអាហារនៅទីនោះភាគច្រើនគឺម្ហូបបួសបែបធម្មជាតិ។ អ្វីដែលកាន់តែពិសេសទៀតនោះ នៅជុំវិញសណ្ឋាគារគឺជាតំបន់ព្រៃអភិរក្សទំហំ ៣០០០ហិកតា ដែលសក្ដិសមបំផុតសម្រាប់អ្នកដែលចង់លំហែអារម្មណ៍ក្នុងបរិយាកាសធម្មជាតិ។

តម្លៃស្នាក់នៅក្នុងសណ្ឋាគារនេះគឺចាប់ពី ២២០ដុល្លារឡើងទៅ។ ទស្សនាទិដ្ឋភាពនៅសណ្ឋាគារ Eromito៖