ខុសទេ! ខ្ញុំយកសង្សារ៤នាក់លេងសើចដើម្បីតែសងសឹកនារីម្នាក់ក្បត់ស្នេហ៍ស្មោះខ្ញុំ?
- 2014-12-03 20:14:18
- ចំនួនមតិ 0 | ចំនួនចែករំលែក 0
ខុសទេ! ខ្ញុំយកសង្សារ៤នាក់លេងសើចដើម្បីតែសងសឹកនារីម្នាក់ក្បត់ស្នេហ៍ស្មោះខ្ញុំ?
ចន្លោះមិនឃើញ
សួស្ដីបង Sabay និងប្រិយមិត្តដែលនិយមអាន Sabay ទាំងអស់។ ខ្ញុំបាទឈ្មោះ រតនា មានរឿងមួយចង់អោយមិត្តទាំងអស់ជួយផ្ដល់ជាមតិផង។
កាលឆ្នាំ២០១០ ខ្ញុំបានស្រលាញ់នារីម្នាក់រស់នៅភូមិកំពង់ព្រះនាងឈ្មោះ ព.ប (Sabay សូមប្រើអក្សរកាត់ដើម្បីការគោរព) ជានារីដ៏ស្រស់ស្អាតម្នាក់នៅក្នុងភូមិ។ មានមនុស្សប្រុសជាច្រើនតាមស្រលាញ់នាងប៉ុន្តែនាងមិនស្រលាញ់គេទេ។ ថ្ងៃទី៣០ខែ១២ឆ្នាំ២០១១ខ្ញុំក៍បានឃ្លាតឆ្ងាយពីគេមករស់នៅក្រៅប្រទេស។ ពេលខ្ញុំមករស់នៅក្រៅប្រទេសខ្ញុំតែងតែ callទៅគេរាល់ថ្ងៃ។ ថ្ងៃមួយជិតដល់ថ្ងៃចូលឆ្នាំខ្មែរមួយថ្ងៃខ្ញុំបានcall ទៅគេតាំងពីព្រឹករហូតដល់ពេលរសៀល ទូរសព្ទរបស់គេមិនមាននាក់លើក។
ខ្ញុំមានអារម្មណខឹងយ៉ាងខ្លាំង ព្រោះមិនដែលមានរឿងអញ្ចឹងកើតឡើងសោះកាលពីមុន ខ្ញុំខំទប់អារម្មណ៍មិនខឹងនិងគេហើយគិតថាគេបាត់ទូរសព្ទ ឬក៏ទុកទូរសព្ទចោល។ នៅខ្មែរប្រហែលជាម៉ោង៦ល្ងាចខ្ញុំបាន call ទៅម្ដងទៀត។ ប៉ុន្តែគ្មានននាក់លើក ខ្ញុំក៏ខលទៅជាលើកទីពីរ ប្អូនស្រីរបស់គេក៏លើក។ គេសួរខ្ញុំថា នាក់ណាគេខលមក ហយរកអ្នកណា?ម្ចាស់ទូរសព្ទអត់នៅទេ។ ខ្ញុំក៏សួថាបងស្រីយើងទៅណា គេឆ្លើយថាទៅដើរលេងបាត់ហើយ (ខ្ញុំ)៖គេទៅជាមួយអ្នកណា? (គេ)៖ចង់ដឹងធ្វើអីរឿងរបស់គេ? គាត់ជានរណាហើយមានការអី?និយាយបែប មកសំឡុតខ្ញុំអីចឹង? (ខ្ញុំ)៖គិតក្នុងចិត្តហើយប្រាប់គេថាខ្ញុំជាមិត្តភ័ក្ដិបងស្រីរបស់យើង (ពីព្រោះគេមិនដឹងថាខ្ញុំជាសង្សាររបស់បងស្រីគេ) (គេ)៖បងខ្ញុំទៅដើរលេងជាមួយសង្សារគាត់បាត់ហើយ (ខ្ញុំ)៖គ្រាន់តែលឺពាក្យហ្នឹងភ្លាមទឹកភ្នែកខ្ញុំស្រក់មកដោយមិនដឹងខ្លួន តែខំទប់អារម្មណ៍ និយាយទៅប្អូនស្រីគេថា គេទៅពេលណាមកវិញ? (គេ)៖ហើយចូលឆ្នាំបានមកវិញ(លឺពាក្យនេះទៀតរឹតតែឈឺចាប់ថែមទៀត) (ខ្ញុំ)៖គេស្រលាញ់គ្នាយូរនៅ? (គេ)៖ប្រហែលជាកន្លះឆ្នាំហើយដឹង? (ខ្ញុំ)៖អញ្ចឹងអរគុណហើយណា ពេលបិទទូរសព្ទភ្លាមខ្ញុំក៏ចាប់ផ្ដើមហែករូបថតរបស់គេ ហើយវ៉ៃជញ្ជាំងរហូតហើមដៃលើកសឹងមិនរួច។ រួចចូលឆ្នាំបានមួយថ្ងៃខ្ញុំខលទៅគេទៀត គេលើកហើយខ្ញុំនិយាយដូចមិនមានអីកើតឡើង
(ខ្ញុំ)៖ចូលឆ្នាំដើរលេងសប្បាយអត់? (ព.ប)៖អត់សប្បាយទេអត់មានសង្សារដើរជាមួយ (ខ្ញុំ)៖ប្រាកដហើយហ៎? (ព.ប)៖ចា៎ (ខ្ញុំ)៖ហ៊ានស្បត់អត់? (ព.ប៖អ្ហឹម...ស្បថគ្រាន់តែជាការទាល់ច្រកហ្នឹង? (ខ្ញុំ)៖ខ្ញុំដឹងរឿងយើងអស់ហើយមិនបាច់ដើរហ្សឺទៀតទេ។ ខ្ញុំមិនដឹងថាយើងហ្នឹងធ្វើអញ្ចឹងទៅរួច?បើដឹងថាយើងជាមនុស្សសាវាខ្ញុំមិនស្គាល់យើងល្អជាង។ខ្ញុំស្ដាយចិត្តស្មោះដែលអោយមនុស្សមិនស្មោះដូចយើងណាស់។យកគេទៅបើគេល្អ។ ខ្ញុំសុំដើរចេញ ហើយសុំជួនពរណា (និយាយអារម្មណ៍ខឹងខ្លាំង)។ (ព.ប)៖ម៉េចបងឯងនិយាយចឹង? ? (ខ្ញុំ)៖ធ្វើខ្លួនឯងគួរដឹងខ្លួនឯងហើយ (ព.ប)៖អូនគ្រាន់តែចង់សាកចិត្តបងលេងហ្នឹង ចង់ដឹងបងខឹងអត់?(គេនិយាយទាំងយំ) (ខ្ញុំ)៖មិនបាច់មកកុហក់ទេ (ក្នុងអារម្មណ៏នៅស្រលាញ់គេខ្លាំង) ហើយខ្ញុំទន់ចិត្ត ក៏សួរគេថារវាងបងហើយនិងគេអូនយកមួយណា?
រឿងដ៏ហួសចិត្តមួយគេឆ្លើយថា៖ (ព.ប)៖អូនយកទាំងពីរ (ខ្ញុំ)៖ចឹងទុកបងអ្នកដើរចេញ។នៅអោយបានសុខណា (ព.ប)៖អូននៅស្រលាញ់បងទោះបងឈប់ស្រលាញ់ក៏អូននៅស្រលាញ់បង (ខ្ញុំ)៖មិនបាច់ទេហើយខ្ញុំក៏បិទទូរសព្ទ័
ចាប់តាំងពីពេលនោះមកខ្ញុំក៏តាំងចិត្តថានឹងឈប់ធ្វើជាមនុស្សស្មោះទៀតហើយ។ រហូតដល់ឥលូវនេះខ្ញុំមានសង្សារ៤នាក់តើខ្ញុំសងសឹកនឹងស្រីផ្សេងអញ្ចឹងតើត្រឹមត្រូវអត់? ហើយគេទាំងបួននាក់សុទ្ធតែស្រលាញ់ខ្ញុំខ្លាំង។
ចុចអាន៖ សង្សាខ្ញុំសុំរួមរក្សច្រើនដងពេក ខ្ញុំក៏សម្រេចដើរចេញ ត្រូវអត់?
រូបតំណាង
តើខ្ញុំគួរតែប្រាប់គេថាខ្ញុំស្រលាញ់ពួកគេគ្រាន់តែជាការលេងសើចហើយគ្រាន់តែចង់សងសឹកចំពោះមនុស្សស្រី? បើខ្ញុំប្រាប់នាក់ទាំងបួនគេនឹងឈឺចាប់ ហើយខ្ញុំក៏នឹងបាត់បង់អ្នកទាំងបួន ព្រោះអារម្មណ៍ខ្ញុំក៏ស្រលាញ់គេដែរ។
តើខ្ញុំគួធ្វើយាងណា? សូមអរគុណដល់បង Sabay ដែលបានអោយចែករំលែករឿងស្នេហាលើគេហទំព័រ Sabay ។ សូមអោយបង Sabayមានប្រិយមិត្តអានកាន់តែច្រើន៕
មិត្តអ្នកអានចង់ចែករំលែករឿងរ៉ាវស្នេហ៍និងស្វែងករមតិលើ Sabay សូមផ្ញើមកកាន់អ៊ីម៉ែល pen.sophana@cidc.com.kh ឬទូរសព្ទមកកាន់ ០១៦ ៥៩៦ ៩០៥។ Sabay នឹងផ្សាយជូនប្រិយមិត្ត៕
ចុចត្រង់នេះ! ដើម្បីចូលទៅបណ្ដុំរឿងរ៉ាវស្នេហាពិតជាច្រើនទៀត
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
