នាយកណ្ដុរ ងាកមកចាប់អាជីពតារាចម្រៀង

2014-12-04 15:35:16
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជុំ ផានិត ហៅ D.Jកណ្ដុរ បាននិយាយប្រាប់ Sabayថា លោកចង់បន្ថែមអាជីពតារាចម្រៀងមួយទៀត លើការងារជាតារាសម្ដែងបច្ចុប្បន្ន។ ការចង់បន្ថែមអាជីពនេះក៏ព្រោះតែលោកគិតថា ប្រសិនបើចេះច្រៀងនោះប្រជាប្រិយភាពរបស់ខ្លួននឹងកាន់តែរីកចម្រើនថែមទៀត ហើយម្យ៉ាងទៀតលោកក៏អាចមានសមត្ថភាពច្រៀង និងតែងនិពន្ធបទចម្រៀងដោយខ្លួនបានថែមទៀតផង។

នាយកណ្ដុរបានលើកឡើងថា បច្ចុប្បន្ននេះលោកបានផលិតបទចម្រៀង៤ មកហើយ ដោយបទចម្រៀងទាំងនោះសុទ្ធតែបានថតជាMVទាំងអស់ ក្នុងនោះមានបទ "អាកូនចង្រៃ" និយាយការអប់រំគ្រឿងញៀន ដោយលោកបានដាក់បញ្ចូលលើ you tube កាលពីពេលថ្មីៗនេះ និងកំពុងតែមានការគាំទ្រខ្លាំង។ ចំណែក៣បទទៀត មាន" បទប្ដីល្អ" "ចង់ដឹងភួយសាច់" និងបទ "សម្រស់ផ្លូវ៦០" ជាប្រទេសបទកន្ទ្រឹម លោកបានដាក់ចូលទៅផលិតកម្ម រស្មីសិង្ហមាស។

តារាសម្ដែងមានកំណើតមកពីភូមិ ព្រៃឃ្នេស ឃុំ ព្រៃឃ្នេស ស្រុក មេសាង ខេត្ត ព្រៃវែង បញ្ជាក់ប្រាប់ថា គ្រប់បទចម្រៀងទាំងអស់ ជាអ្នកតែងនិពន្ធដោយខ្លួនឯងទាំងអស់ ដោយនៅក្នុងនោះលោកបានយកសាច់ភ្លេងពីគេ តែលោកបានបញ្ចូលទ្រខ្មែរ និង ឧបករណ៍ភ្លេងផ្សេងទៀតបន្ថែម។

ដើមហេតុដែលនាំឲ្យតែងនិពន្ធដោយខ្លួនឯងនេះ ក៏ព្រោះតែតារារូបនេះធ្លាប់បានប្រលូកការងារច្រើន។ លោក ធ្លាប់ធ្វើជា D.J វិទ្យុជាច្រើនឆ្នាំមកហើយនៅឯទឹកដី ខេត្តសៀមរាប អ្នកខេត្តមួយនេះភាគច្រើនបានស្គាល់លោក ព្រោះក្រៅពីធ្វើជា D.J វិទ្យុ លោកក៏ធ្វើជាពិធីករកាត់នំនៅ តាមមង្គលការផងដែរ ។ ជាមួយគ្នានោះ នាយក៏ជាប្រធានក្រុមរាំ ក្មេងអនាថា នៅក្នុងខេត្តសៀមរាប ដោយលោកបានជួយក្មេងៗទាំងនោះជាង៣០នាក់ ឲ្យមានអនាគតថែមទៀតផង។

នាយកណ្ដុរបានលើកឡើងទៀតថា ជីវិតអ្នកសេពគ្រឿងញៀន ក៏ដូចជា អ្នកកើតជំងឺអេដស៍ លោកបានស្គាល់ច្បាស់ណាស់ ត្បិតអីលោកធ្លាប់ធ្វើការងារជាមួយអ្នកទាំងនោះ ជាច្រើនឆ្នាំមកហើយក្នុងខេត្ត សៀមរាប មុនបោះជំហានចូលសិល្បៈ។ បទពិសោធទាំងប៉ុន្មានខាងលើ បូករួមទាំងការងារសិល្បៈជា៣០រឿង និង ខារ៉ាអូខេជាច្រើនបទ ទើបធ្វើ លោក អាចសរសេរបទចម្រៀងបាន។

ជាមួយនឹងស្នាដៃបទចម្រៀងទាំង៤បទដែលមាន១បទបានចេញហើយនោះ លោក ជុំ ផានិត ហៅ D.Jកណ្ដុរ បានស្នើឲ្យទស្សនិកជនមេត្តាគាំទ្រឲ្យបានច្រើន ដើម្បីជាកម្លាំងចិត្ត ក្នុងការផលិតបទចម្រៀងថ្មីៗបន្ថែមទៀត៕

https://www.youtube.com/watch?v=b15e5RBSzzc

អានអត្ថបទ៖ សំឡេងមធ្យមទេ ធំកាយវិការ អស់ស្ទះមិនចាញ់តារាអាជីពទេ! អានអត្ថបទ៖ ហង្សមាស សាន់ដេ និង Town ពង្រឹងយុទ្ធសាស្ត្រផ្សេងៗគ្នាសម្រាប់ឆ្នាំ ២០១៥! អត្ថបទ៖ ខុត សីហា