Oppo R5 ដាក់ឲ្យឡានកិន និងយកមកដំដែកគោលយ៉ាងណាក៏នៅមិនអី!

2014-12-11 16:30:20
ចំនួនមតិ 0 | ចំនួនចែករំលែក 0

ចន្លោះមិនឃើញ

Oppo R5 ដែលជាអតីតកំពូល Smartphone មានកម្រាស់ស្ដើងជាងគេលើលោករបស់ក្រុមហ៊ុន Oppo ពេលនេះបានបង្ហាញខ្លួននៅក្នុងវីដេអូពាណិជ្ជកម្មពិសេសមួយដោយបញ្ចេញសមត្ថភាពពិសេសៗ ដែល Smartphone ដទៃមិនអាចធ្វើបាន។

នៅក្នុងវីដេអូពាណិជ្ជកម្មដែលផលិតដោយក្រុមហ៊ុន Oppo នោះបង្ហាញពីការសមត្ថភាពពិសេសៗរបស់ Oppo R5 ដូចជាការយក Smartphone មួយនេះទៅដំដែកគោល និងឲ្យរថយន្តកិនពីលើជាដើម។ ប៉ុន្តែអ្វីដែលគួរឲ្យចាប់អារម្មណ៍ចំពោះឈុតបើកឆាកនៃវីដេអូពាណិជ្ជកម្មនោះគឺ ក្រុមហ៊ុន Oppo បានដាក់រូបផ្លែប៉ោមលើតុដែលត្រូវបានខាំអស់មួយចំហៀងដូចរូបស្លាកសញ្ញា Apple ហើយយក Oppo R5 ដំកម្ទេចពីលើ។

Oppo R5 មានអេក្រង់ ៥,២អ៊ីញ, Memory ទំហំ 16GB, RAM 2GB, កាមេរ៉ាក្រោយ 13MP និងមុខ 5MP និងប្រើប្រព័ន្ធប្រតិបត្តិការ Android KitKat (Version 4.4.4)។ Smartphone ស្រោបដោយអាលុយមីញ៉ូមនិងមិនងាយនឹងកោងមួយនេះមានតម្លៃ ៥៥០ដុល្លារ៕

ទស្សនាវីដេអូ៖