ទិញម៉ូតូមួយទឹក ត្រូវប្រយ័ត្នអីខ្លះ?

2014-12-12 17:40:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ការទិញម៉ូតូជជុះឬមួយទឹក អ្នកទិញគ្រប់រូបគួរយកចិត្តទុកដាក់និងប្រុងប្រយ័ត្ន ដើម្បីចៀសវាងការខកចិត្ត និងការខាតបង់ប្រាក់កាស ឬធ្លាក់ក្នុងកលលួងលោមពីអ្នកលក់។ លោកទួត សីហា ម្ចាស់ហាងលក់ម៉ូតូទួតសីហា ម្តុំគិរីរម្យបានបង្ហាញគន្លឹះមួយចំនួនដើម្បីប្រិយមិត្តស្វែងយល់ មុនពេលសម្រេចចិត្តទៅស្វែងរកទិញម៉ូតូមួយទឹកនៅតាមហាងនានា ដើម្បីចៀសវាងបញ្ហាកើតឡើង។

លោកប្រាប់ថា អតិថិជនពេលទិញម៉ូតូមួយទឹកប្រើប្រាស់ ចាំបាច់ណាស់ត្រូវតែសួររកកាតគ្រីស៊ីនសម្គាល់ម្ចាស់ដើម ឬក្រដាសពន្ធ រួមទាំងវិក្កយបត្រទិញពីអ្នកលក់ ដើម្បីបញ្ជាក់ថាម៉ូតូដែលយើងទិញប្រើប្រាស់មានប្រភពច្បាស់លាស់ និងដែលមិនអាចនាំបញ្ហាទៅថ្ងៃក្រោយ។

ចំណុចទីពីរ អតិថិជនត្រូវឲ្យម្ចាស់ហាងធានាឬបញ្ជាក់ពីគ្រឿងបន្លាស់ផ្សេងៗ ក្រែងលោមានការលួចបន្លំ ឬការដោះដូរដែលនាំឲ្យបាត់បង់រូបរាងដើម។

ចំណុចទី ៣ ត្រូវច្បាស់ថាហាងឆេងតម្លៃទិញនោះ សមស្របអាចទទួលយកបានឬអត់ ពីព្រោះម៉ូតូមួយទឹកខុសពីម៉ូតូថ្មី តម្លៃស្រេចនៅលើមាត់និងការចរចាគ្នា បើសិនអតិថិជនវ័យឆ្លាតគួរសិក្សាពីហេងឆេងជាមុន ដែលនឹងធ្វើឲ្យការទិញដូរមានដំណើរការរលូន និងមិនមានការសោកស្ដាយ។

ចំណុចទី ៤ លោកបញ្ជាក់ថា ទោះបីម៉ូតូមួយទឹក ហាងមួយចំនួនក៏នឹងផ្តល់ការធានាប្រើប្រាស់រយៈពេលមួយឆ្នាំដល់អតិថិជនទិញប្រើប្រាស់។ លោកថា ហាងដែលមានកេរ្តិ៍ឈ្មោះ និងមានការទទួលស្គាល់គេមិនខ្លាចក្នុងការផ្តល់ការធានាដល់អតិថិជន ដើម្បីផ្ដល់ភាពកក់ក្ដៅនិងការពេញចិត្តសម្រាប់ការទិញប្រើប្រាស់ពីហាងរបស់ពួកគេ។

បន្តអាន៖ យុវជនមួយក្រុមច្នៃខ្មោចម៉ូតូ បង្កើតម៉ូដថ្មីសម្រស់ម៉ាអេម

បន្តអាន៖ របៀបដាក់ Password នៅលើ Folder ដោយមិនបាច់ប្រើកម្មវិធី

បន្តអាន៖ តោះ! រៀនប្រើ Keyboard Shortcut នៅលើ Facebook

អត្ថបទ៖ ប៊ុណ្ណារ៉ា