ស្រីស្អាតមុខដូចតុក្កតា តែបើបានឃើញខ្លួនវិញ ដាច់ផ្ងារ...

2014-12-14 19:11:26
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យ ១៨ ឆ្នាំ ជនជាតិរុស្ស៊ីម្នាក់ ដែលមានឈ្មោះថា Yulia Viktorovna Vins ឬហៅកាត់ថា Julia Vins មានទម្រង់មុខស្អាតឥតខ្ចោះដូចកូនក្រមុំតុក្កតា។ បើមើលតែមុខ អ្នកនឹងលង់ស្នេហ៍នាងផ្កាប់មុខ តែបើក្រឡេកឃើញដងខ្លួនរបស់នាងវិញ អ្នកច្បាស់ជាដាច់ផ្ងារមិនខាន។

Julia គឺជា ស្រីស្អាតម្នាក់ក្នុងចំណោមស្រីស្អាត ដែលមានមុខស្រស់ស្អាតដូចក្រមុំជ័រ តែនាង គឺជា នារីទីមួយហើយ ដែលមានដងខ្លួនជាអ្នកកាយសម្ព័ន្ធ។ តាមការសម្ភាសន៍ នាងគ្មានបំណងចង់ក្លាយជាអ្នកបង្រៀនខាងលើកដុំដែកនេះទេ តាំងពីនាងចាប់ផ្ដើមចេញធ្វើការមក។

ពីដំបូងនាងគ្រាន់តែជានារីសាមញ្ញម្នាក់ ដែលមើលទៅដូចជាមានរឹងមាំ និង មានជំនឿចិត្តខ្ពស់។ ប៉ុន្តែ ក្រោយពីបានសាកល្បងក្នុងការលើកដុំដែកនេះ នាងបានធ្វើវាយ៉ាងល្អ ហើយពេលនេះ នាងកំពុងត្រៀមខ្លួនចូលរួមការប្រកួតលើកដំបូងរបស់នាងនៅពេលខាងមុខ។

Julia បានទទួលទាំងការកោតសរសើរ និង រិះគន់ពីមហាជន តែវាមិនបានធ្វើឲ្យប៉ះពាល់អារម្មណ៍របស់នាងឡើយ។ នាងបាននិយាយថា នាងពេញចិត្តនឹងអ្វីដែលនាងកំពុងធ្វើ។ នាងសង្ឃឹមថានឹងមានមនុស្សដែលគាំទ្រចំពោះជម្រើសរបស់នាងនេះ ហើយនឹងមានមនុស្សផ្សេងទៀតដែលចូលមកពន្យល់ឲ្យច្បាស់លាស់ថាហេតុអ្វីក៏ពួកគេមិនគាំទ្រចំពោះរឿងនេះ។ វាគ្មានបានផលអ្វីមកវិញទេ បើអ្នកប្រឹងរារាំងមនុស្សដែលចង់ដើរតាមក្ដីសុបិនរបស់គេនោះ។

គួរបញ្ជាក់ថា ធ្លាប់មានសារព័ត៌មានបរទេសជាច្រើនមកហើយដែលបានចុះផ្សាយពីនាងកាលពីឆ្នាំទៅ ដោយមានការចាប់អារម្មណ៍ជាខ្លាំងពីអ្នកអាន។