នារីវាយកូនបាល់កម្ពុជា Andrea ចាញ់ជើងខ្លាំងចិន ព្រឹកមិញ

2014-12-24 21:51:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីវាយកូនបាល់កម្ពុជាទីមួយ Andrea Ka ដែលជាប់ឈ្មោះប្រកួតលំដាប់អន្តរជាតិបានចាញ់កីឡាការិនីចិន Zhaoxuan Yang ពីរសិតជាប់គ្នាកាលពីថ្ងៃត្រង់នេះក្នុងព្រឹត្តិការណ៍ ITF Women’s Futures នៅទីក្រុងហុងកុង។

ក្នុងព្រឹត្តិការណ៍ដែលមានប្រាក់រង្វាន់១ម៉ឺនដុល្លារអាមេរិកនេះ កីឡាការិនីចិន Zhaoxuan Yang ដែលមានចំណាត់ថ្នាក់ពិភពលោក ២៥២ ពិតជាធ្វើបានល្អណាស់ដោយបានបំបាក់ជើងខ្លាំងរបស់កម្ពុជា Andrea Ka ដោយលទ្ធផល ៦-១ និង ៦-១។

ទោះជាយ៉ាងណា Andrea Ka បានទទួលពិន្ទុ WTA Ranking ឡើងវិញ បន្ទាប់ពីបាត់បង់អស់រយៈពេល៤ឆ្នាំក្រោយនាងរវល់បន្តការសិក្សានៅអាមេរិក និងឃ្លាតឆ្ងាយពីទីលានវាយកូនបាល់។

កាលពីម្សិលមិញ Andrea Ka បានយកឈ្នះជើងខ្លាំងចិន Zhang ដែលមានចំណាត់ថ្នាក់ពិភពលោក៩០០ដោយលទ្ធផល ៧-៥ និង ៦-៤។ នេះជាសញ្ញាល្អមួយសម្រាប់នាងក្នុងការប្រឹងប្រែងស្វែងរកចំណាត់ថ្នាក់ពិភពលោកបន្តទៀត៕

ស្តាប់ពីអារម្មណ៍របស់កញ្ញាដែលបានតំណាងឲ្យប្រទេសកម្ពុជា សូមចុច...

អត្ថបទ៖ ជាន ចាន់រ៉ា