កម្មវិធី ”Get Your Sexy Back KH" បានបញ្ចប់ហើយមានអ្នកលេងជិត២ម៉ឺននាក់

2014-12-25 18:04:51
ចំនួនមតិ 0 | ចំនួនចែករំលែក 0

ចន្លោះមិនឃើញ

យុទ្ធនាការអប់រំស្ដីពីការពិសាគ្រឿងស្រវឹង ដោយទទួលខុសត្រូវមានឈ្មោះថា ”Get Your Sexy Back KH " ឬ "យកភាពសង្ហារបស់អ្នកត្រលប់មកវិញ" ដែលរៀបចំដោយ ក្រុមហ៊ុនស្រាបៀរថៃហ្គ័រ សហការជាមួយក្រសួងព័ត៌មាន សហភាពសហព័ន្ធយុវជនកម្ពុជា គណៈកម្មាធិការជាតិស្ដីពីសុវត្ថិភាពចរាចរណ៍ផ្លូវគោក បានបញ្ចប់ហើយកាលពីល្ងាចមិញនេះ ដោយកម្មវិធីនេះមានអ្នកលេងតាម Facebook Page ជិត២ម៉ឺននាក់។

កម្មវិធី "Get Your Sexy Back " ឬ "យកភាពសង្ហារបស់អ្នកត្រលប់មកវិញ" មានរយៈពេលមួយខែដោយបានចាប់ផ្ដើមតាំងពីថ្ងៃទី ០៨ ខែធ្នូ ឆ្នាំ២០១៤ មក ក្នុងនោះ អ្នកដែលចូលរួមក្នុងកម្មវិធីនេះ ត្រូវមានអាយុចាប់ពី១៨ឆ្នាំ ឡើងទៅ។

សកម្មភាពចម្បងៗកន្លងមករបស់កម្មវិធីអប់រំនេះមានបួន គឺ ៖ ទី១ ការផ្សព្វផ្សាយតាមសារព័ត៌មាននានា។ ទី២ លោកអ្នកអាចចូលទៅកាន់ Facebook Page “Get Your Sexy Back KH” ចូលរួមកម្មវិធី ប្រកួត "មិនមែនខ្ញុំ" ដើម្បីជួយមិត្តរបស់លោកអ្នកឲ្យពិសាគ្រឿងដោយការទទួលខុសត្រូវ ហើយលោកអ្នកមានឱកាសឈ្នះទូរស័ព្ទ iPhone 6 និងសំបុត្រ VIP ចូលរួមទស្សនាក្រុមកំប្លែងនាយពែកមី។ ទី៣ ការចុះផ្សព្វផ្សាយនៅតាមបណ្ដាហាងក្នុងរាជធានីភ្នំពេញ។ ទី៤ នៅល្ងាចថ្ងៃទី 24 ធ្នូ ឆ្នាំ 2014 ជាថ្ងៃបញ្ចប់នៃ យុទ្ធនាការនេះ ដែលធ្វើនៅសណ្ឋាគារសូហ្វីតែល។

លោក Vong Seong Wei នាយកហិរញ្ញវត្ថុ និងជាតំណាងអគ្គនាយក ក្រុមហ៊ុនស្រាបៀរថៃហ្គ័រ បានលើកឡើងថា កម្មវិធី "Get Your Sexy Back" ឬ "យកភាពសង្ហារបស់អ្នកត្រលប់មកវិញ" ធ្វើឡើងក្នុងគោលបំណង ឲ្យយុវជនក៏ដូចជា មហាជនទូទៅ យល់ដឹងពីផលវិបាកដែលបណ្ដាលមកពីការពិសាគ្រឿងស្រវឹងលើសកម្រិតជាប្រចាំ ឬរ៉ាំរ៉ៃជាពិសេស អាចបណ្ដាលឲ្យគ្រោះថ្នាក់ចរាចរណ៍ ពីការស្រវឹងហើយបើកបរ និងជំរុញលើកទឹកចិត្តយុវជនឲ្យប្រកាន់យកការទទួលទានគ្រឿងស្រវឹងក្នុងកម្រិតសមរម្យ និងបំបាត់ទម្លាប់នៃការទទួលគ្រឿងស្រវឹងហួសកម្រិតមិនអាចគ្រប់គ្រងខ្លួនឯងបាន។

នាយកហិរញ្ញវត្ថុក្រុមហ៊ុនខាងលើកឡើងទៀតថា តាមរយៈ Facebook Page “Get Your Sexy Back KH” មានអ្នកចូលលេងរហូតដល់ជាង ១៨០០០នាក់ឯណោះ ។ ចំនួននេះ លោកសង្ឃឹមថា កម្មវិធីដែលធ្វើមកនេះ ពិតជាចំណែកមួយជួយឲ្យប្រជាពលរដ្ឋយល់ដឹងពីគ្រឿងស្រវឹង និងការទទួលខុសត្រូវ ពេលពិសាគ្រឿងស្រវឹង កាន់តែបានច្រើនថែមទៀត។

ថ្ងៃបិទបញ្ចប់នៃកម្មវិធី "Get Your Sexy Back" ឬ "យកភាពសង្ហារបស់អ្នកត្រលប់មកវិញ" ដែលបានធ្វើឡើងនៅ សណ្ឋាគារសូហ្វីតែល កាលល្ងាចមិញនេះ ក្រៅពីដៃគូសហការ មានយុវវ័យជាង១០០នាក់ដែលបានឈ្មោះតាមរយៈការចូលលេង Facebook Page“Get Your Sexy Back KH” ផងដែរ។ កម្មវិធីនេះ ក៏មានការសម្ដែងកំប្លែង ក៏ដូចជា ការច្រៀងពីក្រុម CSM Boy CSM Girl នៃក្រុម Cambodia Super Modal ផងដែរ។

រង្វាន់ដែលអ្នកឈ្នះតាមរយៈការចូលលេង Facebook Page“Get Your Sexy Back KH”មានរង្វាន់ iPhone 6 ១គ្រឿង,Samsung Galaxy Tap១គ្រឿង , Samsung Grand Neo ១គ្រឿង និង រង្វាន់ជាច្រើនមុខផ្សេងទៀត ដែលត្រូវបានផ្ដល់ជូនដោយក្រុមហ៊ុនស្រាបៀរថៃហ្គ័រ៕

អានអត្ថបទ៖ ជិត៣ពាន់នាក់តម្រៀបគ្នាជាដើមណូអែលធំជាងគេលើលោក អត្ថបទ៖ ខុត សីហា

ពាក្យទាក់ទង

ព័ត៌មានសង្គមអន្តរជាតិ គ្រឿងស្រវឹង

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

អត្ថបទថ្មី

Salah កំពុងតែវិលទៅរកកំណត់ត្រាឆ្នាំ២០២២ ដែលខ្លួនធ្លាប់ធ្វើបានជាមួយ Liverpool

ដើរឲ្យគេ Crush ពេញពិភពលោក ចុះនារីក្នុងចិត្តសមាជិក BTS ជាមនុស្សប្រភេទណាខ្លះវិញ?

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ